ಏಷ್ಯಾದ ಅತಿ ಎತ್ತರದ ಶಿವ ದೇವಾಲಯ ನಿರ್ಮಾಣಕ್ಕೆ ಬೇಕಾಯಿತು ಬರೋಬರಿ 40 ವರ್ಷ

ದಕ್ಷಿಣ ದ್ರಾವಿಡ ಶೈಲಿಯಲ್ಲಿ ನಿರ್ಮಿಸಲಾದ ಈ ದೇವಾಲಯವು ಏಷ್ಯಾದಲ್ಲೇ ಅತಿ ಎತ್ತರದ ಶಿವ ದೇವಾಲಯ(Shiva Temple)ಎಂದು ಹೇಳಲಾಗುತ್ತದೆ. ದೇವಾಲಯದ ಕಟ್ಟಡವು ವಾಸ್ತುಶಿಲ್ಪ ಕಲೆಗೆ ಅಪ್ರತಿಮ ಉದಾಹರಣೆಯಾಗಿದೆ.

ಇದು ಹಿಮಾಚಲ ಪ್ರದೇಶದ(Himachal Pradesh)ಸೋಲನ್(Solan) ಜಿಲ್ಲೆಯಲ್ಲಿದೆ.ಜಟೋಲಿ ಶಿವ ದೇವಾಲಯವು ಸೋಲನ್ ನಗರದಿಂದ 5 ಕಿಮೀ ದೂರದಲ್ಲಿದೆ.

ಪ್ರತಿದಿನ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ಇಲ್ಲಿಗೆ ಆಗಮಿಸುತ್ತಾರೆ. ಇದು 108 ಅಡಿ ಎತ್ತರದ ದೇವಾಲಯವಾಗಿದ್ದು, ಇದನ್ನು ನಿರ್ಮಿಸಲು ನಲವತ್ತು ವರ್ಷಗಳು ಬೇಕಾಯಿತು..

ಈ ಪವಾಡ ಸದೃಶ ದೇವಾಲಯದ ಹೆಸರು ಜಟೋಲಿ ಶಿವ ದೇವಾಲಯ’. ದಕ್ಷಿಣ ದ್ರಾವಿಡ ಶೈಲಿಯಲ್ಲಿ ನಿರ್ಮಿಸಲಾಗಿರುವ ಈ ದೇವಾಲಯವು ಸ್ವತಃ ಒಂದು ಪವಾಡಕ್ಕಿಂತ ಕಡಿಮೆಯಿಲ್ಲ.

ಸೋಲನ್ ನಲ್ಲಿರುವ ಜತೋಲಿ ಶಿವ ದೇವಾಲಯವನ್ನು ಏಷ್ಯಾದ ಅತಿ ಎತ್ತರದ ಶಿವ ದೇವಾಲಯಗಳಲ್ಲಿ (Asias biggest Shiva Temple) ಒಂದೆಂದು ಪರಿಗಣಿಸಲಾಗಿದೆ.

ದಂತಕಥೆಯ ಬಗ್ಗೆ ಹೇಳುವುದಾದರೆ, ಶಿವನು ಪೌರಾಣಿಕ ಕಾಲದಲ್ಲಿ ಇಲ್ಲಿಗೆ ಬಂದು ಸ್ವಲ್ಪ ಸಮಯ ವಿಶ್ರಾಂತಿ ಪಡೆದಿದ್ದನಂತೆ.

ನಂತರ, ಸ್ವಾಮಿ ಕೃಷ್ಣಾನಂದ ಪರಮಹಂಸ ಎಂಬ ಬಾಬಾ ಇಲ್ಲಿಗೆ ಬಂದರು ಮತ್ತು ಅವರ ಮಾರ್ಗದರ್ಶನದಲ್ಲಿ ಈ ದೇವಾಲಯದ ನಿರ್ಮಾಣವನ್ನು ಪ್ರಾರಂಭಿಸಲಾಯಿತು.

ಕಲ್ಲುಗಳಿಗೆ ತಟ್ಟಿದ್ರೆ ಡಮರು ಶಬ್ಧ ಬರುತ್ತೆದೇವಾಲಯದಲ್ಲಿರುವ ಕಲ್ಲುಗಳನ್ನು ತಟ್ಟುವುದರಿಂದ ಡಮರು ಶಬ್ದ ಹೊರಬರುತ್ತದೆ. ಕಲ್ಲುಗಳನ್ನು ಸ್ಪರ್ಶಿಸುವುದರಿಂದ ಡಮರು ಶಬ್ದವೂ ಹೊರಬರುತ್ತದೆ.

ಡಮರುವಿನ ಧ್ವನಿಯನ್ನು ಕೇಳಲು ಮತ್ತು ಭೇಟಿ ನೀಡಲು ಪ್ರತಿದಿನ ಸಾವಿರಾರು ಭಕ್ತರು ಆಗಮಿಸುತ್ತಾರೆ. ವಿಶೇಷವಾಗಿ ಶ್ರಾವಣ ಮಾಸದಲ್ಲಿ ಲಕ್ಷಾಂತರ ಭಕ್ತರು ಪ್ರತಿದಿನ ಇಲ್ಲಿಗೆ ಆಗಮಿಸುತ್ತಾರೆ.

ದೇವಸ್ಥಾನವನ್ನು ತಲುಪುವುದು ಹೇಗೆ?

ದೇವಸ್ಥಾನವನ್ನು ತಲುಪುವುದು ಬಹಳ ಸುಲಭ. ದೆಹಲಿ(Delhi), ಪಂಜಾಬ್(Punjab) ಮತ್ತು ಹರಿಯಾಣದಂತಹ(Hariyana) ರಾಜ್ಯಗಳಿಂದಲೂ ಬಸ್ಸುಗಳು ಸೋಲನ್ ಗೆ ಚಲಿಸುತ್ತವೆ.

ಹಿಮಾಚಲ ರಸ್ತೆ ಸಾರಿಗೆ ಬಸ್ಸುಗಳು ದೆಹಲಿ ಕಾಶ್ಮೀರಿ ಗೇಟ್ ನಿಂದ ಚಲಿಸುತ್ತವೆ. ಶಿಮ್ಲಾ ವಿಮಾನ ನಿಲ್ದಾಣವು (Airport) ಹತ್ತಿರದ ವಿಮಾನ ನಿಲ್ದಾಣವಾಗಿದೆ.

ಇಲ್ಲಿಂದ, ನೀವು ಕ್ಯಾಬ್ ಅಥವಾ ಟ್ಯಾಕ್ಸಿ ಮೂಲಕ ಸೋಲನ್ ಅನ್ನು ಸುಲಭವಾಗಿ ತಲುಪಬಹುದು. ಕಲ್ಕಾ-ಶಿಮ್ಲಾ ರೈಲಿನ ಮೂಲಕ ಶಿಮ್ಲಾವನ್ನು ತಲುಪುವ ಮೂಲಕ ನೀವು ದೇವಸ್ಥಾನವನ್ನು ತಲುಪಬಹುದು.

ಜಟೋಲಿಯ ಕಣಿವೆಯಲ್ಲಿ ಈ ಸುಂದರ ದೇಗುಲ ಇದೆ. ಶಿವ ದೇವರನ್ನು ಜಟಾಧರ ಎಂದೂ ಕರೆಯಲಾಗುತ್ತದೆ.

ಹೀಗಾಗಿ, ಈ ಕಣಿವೆಯನ್ನು ಪರಶಿವನ ಉದ್ದನೆಯ ಜಟೆ ಎಂದರೆ ತಲೆಕೂದಲಿನ ಹೆಸರಿನಿಂದಲೇ ಕರೆಯಲಾಗುತ್ತಿತ್ತು. ಇದೇ ಕಾರಣದಿಂದ ಈ ದೇಗುಲ ಕೂಡಾ ಜಟೋಲಿ ಶಿವ ದೇವಾಲಯ ಎಂದೇ ಪ್ರಸಿದ್ಧಿಯಾಗಿದೆ.

ಸುಮಾರು 100 ಮೆಟ್ಟಿಲುಗಳನ್ನು ಹತ್ತಿ ಈ ದೇಗುಲಕ್ಕೆ ಹೋಗಬೇಕು. ವಾಸ್ತುಶಿಲ್ಪದ ವಿಷಯದಲ್ಲಿ ತನ್ನದೇ ಆದ ವೈಭವವನ್ನು ಹೊಂದಿರುವ ಈ ದೇವಾಲಯದ ಗೋಪುರ ಅಥವಾ ಗುಮ್ಮಟ ಎಲ್ಲರನ್ನೂ ಕೈಬೀಸಿ ಕರೆಯುತ್ತದೆ.

ಜಟೋಲಿ ದೇಗುಲದ ಗುಮ್ಮಟದ 111 ಅಡಿ ಎತ್ತರವಿದೆ. ಇತ್ತೀಚಿಗೆ ಇದರ ಮೇಲೆ 11 ಅಡಿ ಎತ್ತರದ ಚಿನ್ನದ ಕಲಶವನ್ನು ಸ್ಥಾಪಿಸಲಾಗಿದೆ.

ಹೀಗಾಗಿ, ದೇವಾಲಯದ ಒಟ್ಟು ಎತ್ತರ 122 ಅಡಿ ಆಗಿದೆ. ದೇಗುಲದ ಆವರಣದಲ್ಲಿ ಸಾಕಷ್ಟು ದೇವಾನುದೇವತೆಗಳ ವಿಗ್ರಹಗಳನ್ನೂ ನೋಡಬಹುದು.

ನಾವೂ ಇನ್ ಸ್ಟಾಗ್ರಾಮ್ ನಲ್ಲೂ ಇದ್ದೀವಿ! ನಮ್ಮ ಗ್ರೂಪ್ ಜಾಯಿನ್ ಆಗಿ.

ನೀವು ಪ್ರವಾಸ ಹೋಗುವ ತಾಣದ ಮಾಹಿತಿ, ಕನ್ನಡ.ಟ್ರಾವೆಲ್ (Kannada.Travel) ಜಾಲತಾಣದಲ್ಲಿ ಪ್ರಕಟವಾಗುವ ಬರಹಗಳ ವಿವರ, ಅಪರೂಪದ ಟ್ರಾವೆಲರ್ ಗಳ ಪರಿಚಯ, ಪ್ರವಾಸಿ ತಾಣಗಳ ಕುತೂಹಲಕರ ಚಿತ್ರ ಬರಹ ಎಲ್ಲವೂ ಇಲ್ಲಿ ನಿಮಗೆ ಸಿಗುತ್ತದೆ. ಬನ್ನಿ ಜೊತೆಯಾಗಿ.