ಜಪಾನ್ ಗೆ ಭೇಟಿ ನೀಡುತ್ತಿದ್ದೀರಾ? ಜಪಾನ್ ನಲ್ಲಿ ಜಾರಿಯಾದ ಈ ನಿಯಮಗಳ ಬಗ್ಗೆ ಮಾಹಿತಿ ಇರಲಿ

2024 ರಲ್ಲಿ ನೀವು ಜಪಾನ್ ಗೆ (Japan) ಭೇಟಿ ನೀಡುವ ಆಲೋಚನೆಯಲ್ಲಿದ್ದರೆ, ಜಪಾನ್ ಇತ್ತೀಚೆಗೆ ಜಾರಿಗೆ ತಂದ ಕೆಲವು ನಿಯಮಗಳ ಬಗ್ಗೆ ನೀವು ತಿಳಿಯಲೇಬೇಕು.

“ಜಪಾನ್” ತನ್ನ ಅತ್ಯಂತ ಸುಂದರ ಭೂದೃಶ್ಯಗಳು, ಐತಿಹಾಸಿಕ ತಾಣಗಳು, ನಗರಗಳ ಸುಂದರ ಅಭಿವೃದ್ಧಿಗೆ ಜನಪ್ರಿಯವಾಗಿದೆ. ಇಲ್ಲಿ ಪ್ರಾಚೀನತೆ ಮತ್ತು ಆಧುನಿಕತೆಯ ಸುಂದರ ಸಮ್ಮಿಶ್ರಣವನ್ನು ಕಾಣಬಹುದು.

ಈ ಜಪಾನ್ (Japan) ಇತ್ತೀಚಗಷ್ಟೇ ಕೆಲವು ನಿಯಮಗಳನ್ನು ಜಾರಿಗೆ ತಂದಿದೆ. ನೀವು ಜಪಾನ್ ಗೆ ಭೇಟಿ ನೀಡುವ ಮೊದಲು ಇದರ ಬಗ್ಗೆ ತಿಳಿದುಕೊಳ್ಳುವುದು ಉತ್ತಮ.

ಮೌಂಟ್ ಫ್ಯೂಜಿ (Mount Fuji) ಕ್ಲೈಂಬಿಂಗ್ (Climbing) ಕುರಿತಾದ ನಿಯಮಗಳು:

ಮೌಂಟ್ ಫ್ಯೂಜಿ, ಜಪಾನ್ ನ ಅತ್ಯಾಕರ್ಷಕ ಚಾರಣ ತಾಣ (Trekking Spot). ಇಲ್ಲಿಗೆ ವಾರ್ಷಿಕವಾಗಿ ಲಕ್ಷಾಂತರ ಮಂದಿ ಭೇಟಿ ನೀಡುತ್ತಾರೆ.

ಇದು ಜಪಾನ್ ನ ವಿಶ್ವ ಪಾರಂಪರಿಕ ತಾಣವೂ (UNESCO World Heritage Site) ಸಹ ಹೌದು. ಸಾಹಸಪ್ರಿಯ ಪ್ರವಾಸಿಗರಿಗೆ ಇದು ರೋಮಾಂಚಕ ಅನುಭವ ನೀಡುವುದರಲ್ಲಿ ಸಂಶಯವಿಲ್ಲ.

ಇತ್ತೀಚಿಗೆ ಹೆಚ್ಚುತ್ತಿರುವ ಚಾರಣಿಗರಿಂದಾಗಿ, ಜಪಾನಿನ ಸರ್ಕಾರವು ಸುರಕ್ಷತೆಯನ್ನು ಕಾಪಾಡಿಕೊಳ್ಳುವ ಮತ್ತು ಪರ್ವತದ ಪರಿಸರ ವ್ಯವಸ್ಥೆಯನ್ನು ಸಂರಕ್ಷಿಸುವ ನಿಟ್ಟಿನಿಂದ ಈ ತಾಣದಲ್ಲಿ ಕೆಲವು ನಿಯಮಗಳನ್ನು ಜಾರಿಗೆ ತಂದಿದೆ.

ಮೌಂಟ್ ಫ್ಯೂಜಿ ಕ್ಲೈಂಬಿಂಗ್ ಗೆ ಸಂಬಂಧಿಸಿದಂತೆ ಜಾರಿಗೆ ತಂದ ನಿಯಮಗಳು:

ಸೀಮಿತ ಪರ್ವತಾರೋಹಿಗಳು: ಜಪಾನ್ ಸರ್ಕಾರವು ಮೌಂಟ್ ಫ್ಯೂಜಿಗೆ ಭೇಟಿ ನೀಡುವ ದೈನಂದಿನ ಪರ್ವತಾರೋಹಿಗಳ ಸಂಖ್ಯೆಯನ್ನು 4000 ಕ್ಕೆ ಸೀಮಿತಗೊಳಿಸಿದೆ.

ಮಾರ್ಗದರ್ಶಿಗಳ ನೇಮಕ: ಪ್ರವಾಸಿಗರು ಸುರಕ್ಷತಾ ಕ್ರಮಗಳನ್ನು ಅನುಸರಿಸುತ್ತಿರುವುದನ್ನು ಖಚಿತಪಡಿಸಿಕೊಳ್ಳಲು ಮತ್ತು ಅಪಾಯಗಳನ್ನು ತಡೆಗಟ್ಟಲು ಮಾರ್ಗದರ್ಶಿಗಳನ್ನು ನೇಮಿಸಲಾಗಿದೆ.

ಕ್ಯೋಟೋದಲ್ಲಿ (Kyoto) ಜಾರಿಗೆ ತಂದ ನಿಯಮ:

ಜಪಾನ್ ನ ಸಾಂಸ್ಕೃತಿಕ ರಾಜಧಾನಿ ಎಂದು ಕರೆಯಲ್ಪಡುವ ಕ್ಯೋಟೋ, ತನ್ನ ಐತಿಹಾಸಿಕ ಹೆಗ್ಗುರುತುಗಳು ಮತ್ತು ರೋಮಾಂಚಕ ವಾತಾವರಣದಿಂದ ಅತಿ ಹೆಚ್ಚು ಪ್ರವಾಸಿಗರನ್ನು ಆಕರ್ಷಿಸುತ್ತದೆ.

ಕ್ಯೋಟೋದ ಜಿಯಾನ್ ಜಿಲ್ಲೆ (Gion district), ಸಾಂಪ್ರದಾಯಿಕ ಗೇಷಾಗಳ (Geishas) ನೆಲೆಯಾಗಿದೆ. ಗೇಷ ಎಂದರೆ ಗೀತನೃತ್ಯಗಳಲ್ಲಿ, ಮಾತುಕತೆಯಲ್ಲಿ ಪರಿಣಿತಳಾಗಿದ್ದು, ಮನೋರಂಜನೆಯನ್ನೊದಗಿಸುವುದಕ್ಕಾಗಿಯೇ ಮೀಸಲಾದ ಜಪಾನಿ ಕಲಾವಿದರು.

ಮಿಂಚುವ ದಟ್ಟ ಕೇಶರಾಶಿಗಳಿಂದ, ಆಶ್ಚರ್ಯಕರವಾಗಿ ಸಿದ್ಧಗೊಳಿಸಿ ಥಳಕುಬೆಳಕಿನ ಕಿಂಕಾಪು ಉಡುಪುಗಳಿಂದ, ಒನಪು ಒಯ್ಯಾರಗಳಿಂದ ಜನಮನವನ್ನು ಇವರು ಆಕರ್ಷಿಸುತ್ತಾರೆ.

ಆದರೆ ಇತ್ತೀಚಿನ ಅತಿಯಾದ ಪ್ರವಾಸೋದ್ಯಮ (over-tourism) ಮತ್ತು ಅಗೌರವದ ನಡವಳಿಕೆಯು (Disrespectful behaviour) ಕಳವಳಕಾರಿಯಾಗಿದ್ದು, ಕಲಾವಿದರಿಗೆ ಅಗೌರವವನ್ನು ಪ್ರದರ್ಶಿಸಲಾಗುತ್ತಿದೆ.

ಗೇಷಾಗಳನ್ನು (Geishas) ರಕ್ಷಿಸುವ ಉದ್ದೇಶದಿಂದ, ಈಗ ಜಿಯಾನ್ ನ ಕೆಲವು ಪ್ರದೇಶಗಳಿಗೆ ಪ್ರವಾಸಿಗರನ್ನು ನಿರ್ಬಂಧಿಸಲಾಗಿದೆ.

ಅಪೇಕ್ಷಿಸದ ಛಾಯಾಗ್ರಹಣವನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ, ಉಲ್ಲಂಘಿಸುವವರಿಗೆ ಭಾರಿ ದಂಡ ವಿಧಿಸಲಾಗುತ್ತದೆ.ಅನೇಕ ವ್ಯವಹಾರ ಸಂಸ್ಥೆಗಳು ಗೇಷಾಗಳು, ಗ್ರಾಹಕರು ಮತ್ತು ನಿವಾಸಿಗಳನ್ನು ಪ್ರತ್ಯೇಕವಾಗಿ ಪೂರೈಸುತ್ತವೆ.

ಜಪಾನ್‌ ನಲ್ಲಿ ಆರು ತಿಂಗಳ ಡಿಜಿಟಲ್ ಅಲೆಮಾರಿ ವೀಸಾ (Digital Nomad Visa) ಜಾರಿ:

ಹಿಂದೆ ಇದ್ದ, 90 ದಿನಗಳ ಮಿತಿಯನ್ನು ತೆಗೆದುಹಾಕಿದ್ದು, ಜಪಾನ್‌ನಲ್ಲಿ ದೀರ್ಘಕಾಲ ಉಳಿಯಲು ಬಯಸುವವರಿಗೆ,ಜಪಾನ್ ಆರು ತಿಂಗಳ ಡಿಜಿಟಲ್ ಅಲೆಮಾರಿ ವೀಸಾವನ್ನು ಪ್ರಾರಂಭಿಸಲು ಯೋಜಿಸಿದೆ.

ಈ ವೀಸಾವು ದೂರಸ್ಥ ಉದ್ಯೋಗಿಗಳಿಗೆ ಜಪಾನ್‌ನ ವಿಶಿಷ್ಟ ಸಂಸ್ಕೃತಿ ಮತ್ತು ಜೀವನಶೈಲಿಯನ್ನು ದೀರ್ಘಕಾಲದವರೆಗೆ ಅನುಭವಿಸಲು ಅನುಮತಿಸುತ್ತದೆ.

ಈ ವೀಸಾದ ಪರಿಚಯದಿಂದಾಗಿ ಅಂತಾರಾಷ್ಟ್ರೀಯ ಸಂದರ್ಶಕರನ್ನು ಸ್ವಾಗತಿಸಲು ಮತ್ತು ಅದರ ಕಾರ್ಯಪಡೆಯಲ್ಲಿ ನಾವೀನ್ಯತೆಯನ್ನು ಉತ್ತೇಜಿಸಲು ಜಪಾನ್‌ನ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ.

ಜಪಾನ್‌ನ 6-ತಿಂಗಳ (6 months) ಡಿಜಿಟಲ್ ವೀಸಾಗೆ ಅರ್ಹತೆ ಪಡೆಯಲು, ಡಿಜಿಟಲ್ ಅಲೆಮಾರಿಗಳು ಜಪಾನ್‌ನ ವಲಸೆ ಸೇವೆಗಳ ಏಜೆನ್ಸಿಯು ನಿಗದಿಪಡಿಸಿದ ನಿರ್ದಿಷ್ಟ ಮಾನದಂಡಗಳನ್ನು ಪೂರೈಸಬೇಕಾಗುತ್ತದೆ.

ಜಪಾನ್ ನ ಇತ್ತೀಚಿನ ಈ ನಿಯಮಗಳನ್ನು ತಿಳಿಯುವ ಮೂಲಕ ಪ್ರವಾಸಿಗರು ಸುಗಮವಾಗಿ ಜಪಾನ್ ಗೆ ಪ್ರವಾಸವನ್ನು ಯೋಜಿಸಬಹುದು.

ನಾವೂ ಇನ್ ಸ್ಟಾಗ್ರಾಮ್ ನಲ್ಲೂ ಇದ್ದೀವಿ! ನಮ್ಮ ಗ್ರೂಪ್ ಜಾಯಿನ್ ಆಗಿ.

ನೀವು ಪ್ರವಾಸ ಹೋಗುವ ತಾಣದ ಮಾಹಿತಿ, ಕನ್ನಡ.ಟ್ರಾವೆಲ್ (Kannada.Travel) ಜಾಲತಾಣದಲ್ಲಿ ಪ್ರಕಟವಾಗುವ ಬರಹಗಳ ವಿವರ, ಅಪರೂಪದ ಟ್ರಾವೆಲರ್ ಗಳ ಪರಿಚಯ, ಪ್ರವಾಸಿ ತಾಣಗಳ ಕುತೂಹಲಕರ ಚಿತ್ರ ಬರಹ ಎಲ್ಲವೂ ಇಲ್ಲಿ ನಿಮಗೆ ಸಿಗುತ್ತದೆ. ಬನ್ನಿ ಜೊತೆಯಾಗಿ.