ಸಾಂಸ್ಕೃತಿಕ ಪರಂಪರೆ ಸಂರಕ್ಷಣೆಗಾಗಿ ಭಾರತದ ನಾಲ್ಕು ಯೋಜನೆಗಳಿಗೆ ಯುನೆಸ್ಕೋ ಮಾನ್ಯತೆ

ಯುನೆಸ್ಕೋ ಸಂಸ್ಥೆಯು ಏಷ್ಯಾ-ಪೆಸಿಫಿಕ್ ಪ್ರದೇಶದಲ್ಲಿ ಸಾಂಸ್ಕೃತಿಕ ಪರಂಪರೆಯ ಸಂರಕ್ಷಣೆಗಾಗಿ ಅತ್ಯುತ್ತಮ ಕೊಡುಗೆ ನೀಡಿರುವ ಭಾರತದ ನಾಲ್ಕು ಯೋಜನೆಗಳಿಗೆ “ಏಷ್ಯಾ-ಪೆಸಿಫಿಕ್ ಪ್ರಶಸ್ತಿ” (Asia-Pacific Awards) ಯನ್ನು ನೀಡಿ ಗೌರವಿಸಿದೆ.

ಯುನೆಸ್ಕೋ ಸಾಂಸ್ಕೃತಿಕ ಪರಂಪರೆಯ ಸಂರಕ್ಷಣೆಗಾಗಿ (cultural heritage conservation) ಪರಂಪರೆಯ ಮೌಲ್ಯದ ರಚನೆಗಳನ್ನು ಮರುಸ್ಥಾಪಿಸುವ ಮತ್ತು ಸಂರಕ್ಷಿಸುವಲ್ಲಿ ಖಾಸಗಿ ವ್ಯಕ್ತಿಗಳ ಮತ್ತು ಸಂಸ್ಥೆಗಳ ಪ್ರಯತ್ನಗಳನ್ನು ಗುರುತಿಸುವ ಉದ್ದೇಶದಿಂದ ಈ ಪ್ರಶಸ್ತಿಯನ್ನು 2000 ನೇ ಇಸವಿಯಿಂದ ನೀಡುತ್ತಿದೆ.

ನವೆಂಬರ್ 2023 ರಲ್ಲಿ ನಡೆಸಿದ ಚರ್ಚೆಯ ಪ್ರಕ್ರಿಯೆಯ ಮೂಲಕ, ತೀರ್ಪುಗಾರರು ಸ್ಥಳದ ತಿಳುವಳಿಕೆ, ಅದರ ತಾಂತ್ರಿಕ ಸಾಧನೆಗಳು ಮತ್ತು ಪ್ರಶಸ್ತಿಗಳ ಮಾನದಂಡದಲ್ಲಿ ನಿರ್ದೇಶಿಸಿದ್ದಾರೆ ಅವುಗಳ ಸಮರ್ಥನೀಯತೆ ಮತ್ತು ಪ್ರಭಾವದ ಆಧಾರದ ಮೇಲೆ ಯೋಜನೆಗಳನ್ನು ಪ್ರಶಸ್ತಿಗೆ ಆಯ್ಕೆ ಮಾಡಲಾಯಿತು.

2023ನೇ ಸಾಲಿನಲ್ಲಿ ಚೀನಾ, ಭಾರತ ಮತ್ತು ನೇಪಾಳದ 12 ಯೋಜನೆಗಳನ್ನು ತೀರ್ಪುಗಾರರಿಂದ ಅಂಗೀಕರಿಸಲಾಗಿದೆ. ಅದರಲ್ಲಿ ಭಾರತದ ನಾಲ್ಕು ಯೋಜನೆಗಳಿಗೆ ಪ್ರಶಸ್ತಿ ಲಭಿಸಿದೆ.

1.ಶ್ರೇಷ್ಠತೆಯ ಪ್ರಶಸ್ತಿ (Awards of Excellence)

ಪಂಜಾಬ್‌ನ ಅಮೃತಸರದಲ್ಲಿರುವ ರಾಮ್‌ಬಾಗ್ ಗೇಟ್ ಮತ್ತು ರಾಂಪಾರ್ಟ್‌ ಯೋಜನೆಗೆ ಅದರ ಸ್ಥಿತಿಸ್ಥಾಪಕತ್ವ ಮತ್ತು ಪುನರುಜ್ಜೀವನಕ್ಕಾಗಿ ಅತ್ಯುನ್ನತ ಗೌರವವಾದ “ಶ್ರೇಷ್ಠತೆಯ ಪ್ರಶಸ್ತಿ” ಲಭಿಸಿದೆ.

ವಿಶಾಲ ಸಮುದಾಯಕ್ಕೆ ಹೊಂದಿಕೊಳ್ಳುವಿಕೆ ಮತ್ತು ಸ್ಥಳದ ನಿರಂತರ ಬಳಕೆಯ ಆಧಾರದ ಮೇಲೆ ಈ ಸ್ಥಳವು ತೀರ್ಪುಗಾರರಿಂದ ಶ್ಲಾಘಿಸಲ್ಪಟ್ಟಿತು.

2. ವಿಶಿಷ್ಟತೆಯ ಪ್ರಶಸ್ತಿ ( Award of Distinction)

ಕೇರಳದ ಆರು ನೂರು ವರ್ಷಗಳಷ್ಟು ಹಳೆಯದಾದ ಕುನ್ನಮಂಗಲಂ ಭಗವತಿ ದೇವಸ್ಥಾನದಲ್ಲಿರುವ ಕರಣಿಕರ ಮಂಟಪವು ಅದರ ಮರುಸ್ಥಾಪನೆಗಾಗಿ ಸುಸ್ಥಿರ ವಿಧಾನವನ್ನು ಅನುಸರಿಸಿದ ಕಾರಣಕ್ಕಾಗಿ “ವಿಶಿಷ್ಟತೆ ಪ್ರಶಸ್ತಿ” ಯನ್ನು ಗಳಿಸಿತು.

ಇದರೊಂದಿಗೆ ಹಾಂಗ್ ಕಾಂಗ್ SAR, ಚೀನಾದ ಫ್ಯಾನ್ಲಿಂಗ್ ಗಾಲ್ಫ್ ಕೋರ್ಸ್ ಮತ್ತು ಚೀನಾದ ಯಾಂಗ್‌ಝೌನಲ್ಲಿರುವ ಡೊಂಗುವಾನ್ ಗಾರ್ಡನ್ ನಿವಾಸವೂ ಸೇರಿ ಒಟ್ಟು ಮೂರು ಯೋಜನೆಗಳಿಗೆ “ವಿಶಿಷ್ಟತೆ ಪ್ರಶಸ್ತಿ” ಯನ್ನು ನೀಡಿ ಗೌರವಿಸಲಾಯಿತು.

3. ಅರ್ಹತೆಯ ಪ್ರಶಸ್ತಿ (Award of Merit)

ಹರಿಯಾಣದ ಚರ್ಚ್ ಆಫ್ ಎಪಿಫ್ಯಾನಿ, ಮುಂಬೈನ ಡೇವಿಡ್ ಸಾಸೂನ್ ಲೈಬ್ರರಿ ಮತ್ತು ರೀಡಿಂಗ್ ರೂಮ್, ಮತ್ತು ದೆಹಲಿಯ ಬಿಕಾನೆರ್ ಹೌಸ್‌ಗಳಿಗೆ ತಮ್ಮ ಅನುಕರಣೀಯ ಸಂರಕ್ಷಣಾ ಪ್ರಯತ್ನಗಳಿಗಾಗಿ “ಅರ್ಹತೆಯ ಪ್ರಶಸ್ತಿ” ಯನ್ನು ನೀಡಲಾಯಿತು.

ಚೀನಾದ ಬೀಜಿಂಗ್‌ನ ಪೀಕಿಂಗ್ ವಿಶ್ವವಿದ್ಯಾನಿಲಯದ ಯಾನ್ ನ್ಯಾನ್ ಯುವಾನ್, ಪ್ಯಾನ್ ಫ್ಯಾಮಿಲಿ ರೆಸಿಡೆನ್ಸ್, ಸುಝೌ, ಚೀನಾ ಸೇರಿದಂತೆ ಒಟ್ಟು ಐದು ಯೋಜನೆಗಳಿಗೆ ಅರ್ಹತಾ ಪ್ರಶಸ್ತಿ ಲಭ್ಯವಾಯಿತು.

ಪರಂಪರೆಯ ಸನ್ನಿವೇಶಗಳಲ್ಲಿ ಹೊಸ ವಿನ್ಯಾಸಕ್ಕಾಗಿ ನೀಡಿದ ಪ್ರಶಸ್ತಿಯು (‘Award for New Design in Heritage Contexts’ ) ಚೀನಾದ ಲುವೊಯಾಂಗ್‌ನಲ್ಲಿರುವ ಕ್ಸಿಯಾ ಕ್ಯಾಪಿಟಲ್‌ನ ಎರ್ಲಿಟೌ ಸೈಟ್ ಮ್ಯೂಸಿಯಂಗೆ ದೊರೆಯಿತು.

ಕೇರಳದ ಕುನ್ನಮಂಗಲಂ ಭಗವತಿ ದೇವಸ್ಥಾನದ ಕರಣಿಕರ ಮಂಟಪ, ಪಂಜಾಬ್‌ನ ಪಿಪಲ್ ಹವೇಲಿ ಮತ್ತು ನೇಪಾಳದ ಕಠ್ಮಂಡುವಿನ ಸಿಕಾಮಿ ಚೆನ್‌ ಯೋಜನೆಗಳು ಸುಸ್ಥಿರ ಅಭಿವೃದ್ಧಿಗಾಗಿ ನೀಡಿರುವ ಕೊಡುಗೆಯನ್ನು ಗುರುತಿಸಿ ‘ಸುಸ್ಥಿರ ಅಭಿವೃದ್ಧಿಗಾಗಿ ವಿಶೇಷ ಮನ್ನಣೆ” (‘Special Recognition for Sustainable Development’ )ಯ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.

ಪ್ರಶಸ್ತಿ ಪುರಸ್ಕೃತ ಯೋಜನೆಗಳು ಸಾಂಸ್ಕೃತಿಕ ಪರಂಪರೆಯನ್ನು ಹೇಗೆ ಯಶಸ್ವಿಯಾಗಿ ಸಂರಕ್ಷಿಸಬಹುದು ಎಂಬುದಕ್ಕೆ ಸಾಕ್ಷಿಯಾಗಿ ಕಾರ್ಯನಿರ್ವಹಿಸುತ್ತವೆ ಮತ್ತು ಅದೇ ಸಮಯದಲ್ಲಿ ವಿವಿಧ ಸ್ಥಳೀಯ ಅಭಿವೃದ್ಧಿ ಕಾರ್ಯತಂತ್ರಗಳೊಂದಿಗೆ ಸಂಯೋಜಿಸಲು ಸಜ್ಜುಗೊಳಿಸಲಾಗುತ್ತವೆ ಎಂದು ಯುನೆಸ್ಕೋ (UNESCO) ಬ್ಯಾಂಕಾಕ್ ತಿಳಿಸಿದೆ.

ನಾವೂ ಇನ್ ಸ್ಟಾಗ್ರಾಮ್ ನಲ್ಲೂ ಇದ್ದೀವಿ! ನಮ್ಮ ಗ್ರೂಪ್ ಜಾಯಿನ್ ಆಗಿ.

ನೀವು ಪ್ರವಾಸ ಹೋಗುವ ತಾಣದ ಮಾಹಿತಿ, ಕನ್ನಡ.ಟ್ರಾವೆಲ್ (Kannada.Travel) ಜಾಲತಾಣದಲ್ಲಿ ಪ್ರಕಟವಾಗುವ ಬರಹಗಳ ವಿವರ, ಅಪರೂಪದ ಟ್ರಾವೆಲರ್ ಗಳ ಪರಿಚಯ, ಪ್ರವಾಸಿ ತಾಣಗಳ ಕುತೂಹಲಕರ ಚಿತ್ರ ಬರಹ ಎಲ್ಲವೂ ಇಲ್ಲಿ ನಿಮಗೆ ಸಿಗುತ್ತದೆ. ಬನ್ನಿ ಜೊತೆಯಾಗಿ.