ಮಥುರಾದಲ್ಲಿ ಶುರುವಾಗಿದೆ ಹೋಳಿ ಸಂಭ್ರಮ; ಹತ್ತು ದಿನಗಳ ಈ ಹಬ್ಬದಲ್ಲಿ ಏನೆಲ್ಲಾ ಇರುತ್ತೆ ಗೊತ್ತಾ?

ಭಾರತದ ವಿವಿಧ ರಾಜ್ಯಗಳಲ್ಲಿ ಆಚರಿಸುವ ವೈವಿಧ್ಯಮಯ ಹೋಳಿಗಳಲ್ಲಿ ಮಥುರಾದ (Mathura) “ಬ್ರಜ್ ಕಿ ಹೋಳಿ” (Braj Ki Holi) ಅತ್ಯಂತ ಪ್ರಸಿದ್ಧ ಹೋಳಿಯಾಗಿದ್ದು, ಇದು ಹತ್ತು ದಿನಗಳ ಕಾಲ ಆಚರಿಸಲಾಗುತ್ತದೆ.

ಮಥುರಾ, ವೃಂದಾವನ, ಬರ್ಸಾನಾ, ನಂದಗಾಂವ್, ಗೋಕುಲ ಸೇರಿದಂತೆ ವಿವಿಧ ಭಾಗಗಳಲ್ಲಿ ಈ ಹಬ್ಬವನ್ನು ಆಚರಿಸಲಾಗುತ್ತದೆ. ಹೋಳಿ ಹಬ್ಬ ಆರಂಭವಾಗಿದ್ದೇ ಶ್ರೀ ಕೃಷ್ಣನ ಸ್ಥಳವಾದ ಮಥುರಾದಲ್ಲಿ ಎಂಬುದು ಇಲ್ಲಿ ಜನರ ನಂಬಿಕೆ.

ಮಥುರಾದಲ್ಲಿ “ಬ್ರಜ್ ಕಿ ಹೋಳಿ” ಯನ್ನು ಈ ವರ್ಷ ಮಾ.17 ರಿಂದ ಮಾ.26 ರವರೆಗೆ ಆಚರಿಸಲಾಗುತ್ತಿದೆ. ಇದರ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಮಾ.17: ಲಡ್ಡೂ ಹೋಳಿ, ಬರ್ಸಾನಾ:

ಬರ್ಸಾನಾದ (Barsana) ರಾಧಾ ರಾಣಿ ದೇವಸ್ಥಾನದಲ್ಲಿ ಆಚರಿಸಲಾಗುವ “ಲಡ್ಡೂ ಹೋಳಿ”ಯಲ್ಲಿ (Laddu Holi) ಮಹಿಳೆಯರು ಲಡ್ಡೂಗಳನ್ನು ಪುರುಷರ ಮೇಲೆ ಎಸೆಯುತ್ತಾರೆ, ಇದು ಗೋಪಿಯರು ಶ್ರೀಕೃಷ್ಣನಿಗೆ ನೀಡುತ್ತಿರುವ ಕೀಟಲೆಯನ್ನು ಸಂಕೇತಿಸುತ್ತದೆ.

ಮಾ.18: ಲಾತ್ಮಾರ್ ಹೋಳಿ (Lathmar Holi), ಬರ್ಸಾನಾ:

ಇದೂ ಸಹ ಬರ್ಸಾನಾದ ರಾಧಾ ರಾಣಿ ದೇವಾಲಯದಲ್ಲಿ ನಡೆಯುವ ಹಬ್ಬವಾಗಿದ್ದು, ಇಲ್ಲಿ ಮಹಿಳೆಯರು ಪುರುಷರಿಗೆ ಕೀಟಲೆಯಿಂದ ಕೋಲಿನಲ್ಲಿ ಹೊಡೆಯುತ್ತಾರೆ.

ಇದು ಶ್ರೀಕೃಷ್ಣನು ಗೋಪಿಕೆಯರಿಗೆ ಬಣ್ಣ ಬರಿದಾಗಿಸುತ್ತಿರುವ ಅವನಿಗೆ ಕೋಲಿನಲ್ಲಿ ಹೊಡೆಯುವುದನ್ನು ಸಂಕೇತಿಸುತ್ತದೆ.

ಮಾ.19: ಲಾತ್ಮಾರ್ ಹೋಳಿ, ನಂದಗಾಂವ್ (Nandgaon):

ಪುರುಷರು ಮಹಿಳೆಯರಿಗೆ ಕೋಲಿನಿಂದ ಚುಡಾಯಿಸಲು ಪಟ್ಟಣಕ್ಕೆ ಬಂದಾಗ ಗೋಪಿಯರನ್ನು ಪ್ರತಿನಿಧಿಸುವ ಮಹಿಳೆಯರು ತಮಾಷೆಯಿಂದ ಕೋಲುಗಳಿಂದ ಅವರನ್ನು ಓಡಿಸುತ್ತಾರೆ.

ಮಾ.20: ಫೂಲ್ವಾಲಿ ಹೋಳಿ, ವೃಂದಾವನ:

ಇದನ್ನು ವೃಂದಾವನದ (Vrindavan) ಬಂಕೆ ಬಿಹಾರಿ ದೇವಸ್ಥಾನದಲ್ಲಿ ಆಚರಿಸಲಾಗುತ್ತದೆ. ಫೂಲ್ವಾಲಿ ಹೋಳಿಯಲ್ಲಿ (Phoolwali Holi) , ಭಗವಾನ್ ಕೃಷ್ಣ ಮತ್ತು ರಾಧೆ ಹೂವುಗಳೊಂದಿಗೆ ಆಡುವ ದಂತಕಥೆಯನ್ನು ಮರುಸೃಷ್ಟಿಸಲಾಗುತ್ತದೆ.

ಇಲ್ಲಿಯ ಅರ್ಚಕರು ಅಲ್ಲಿಯ ಜನರ ಮೇಲೆ ಹೂವುಗಳನ್ನು ಸಿಂಪಡಿಸುತ್ತಾರೆ. ಇದು ಬಹಳ ಜನಪ್ರಿಯವಾದ ಆಚರಣೆಯಾಗಿದ್ದು, ಹೆಚ್ಚಿನ ಸಂಖ್ಯೆಯ ಪ್ರವಾಸಿಗರನ್ನು ಸೆಳೆಯುತ್ತದೆ.

ಮಾ.21: ಛಾಡಿ ಮಾರ್ ಹೋಳಿ (Chhadi Mar Holi) ಗೋಕುಲ (Gokul):

ಇದು ಲಾತ್ಮಾರ್ ಹೋಳಿಗೆ ಸಮಾನವಾದ ಸಂಪ್ರದಾಯವಾಗಿದೆ. ದೊಡ್ಡ ಕೋಲುಗಳ ಸ್ಥಳದಲ್ಲಿ, ಪುರುಷರನ್ನು ತಮಾಷೆಯಾಗಿ ಹೊಡೆಯಲು ಮಹಿಳೆಯರು ಸಣ್ಣ ಕೋಲುಗಳನ್ನು ಬಳಸುತ್ತಾರೆ.

ಮಾ.23: ವಿಧವೆಯರ ಹೋಳಿ (Widow’s Holi), ವೃಂದಾವನ:

ಇದನ್ನು ವೃಂದಾವನದ (Vrindavan) ರಾಧಾ ಗೋಪಿನಾಥ ದೇವಸ್ಥಾನದಲ್ಲಿ ಆಚರಿಸಲಾಗುತ್ತದೆ. ವೃಂದಾವನ ಆಶ್ರಮಗಳಲ್ಲಿ ಇರುವ ವಿಧವೆಯರು ಪರಸ್ಪರ ಬಣ್ಣ ಬಳಿದುಕೊಂಡು ಈ ಹೋಳಿ ಹಬ್ಬದಲ್ಲಿ ಭಾಗವಹಿಸುತ್ತಾರೆ.

ಮಾ.24: ಹೋಲಿಕಾ ದಹನ್ (Holika Dahan) ಅಥವಾ ಛೋಟಿ ಹೋಳಿ, ವೃಂದಾವನ:

ಬಂಕೆ ಬಿಹಾರಿ ದೇವಸ್ಥಾನದಲ್ಲಿ ಆಚರಿಸಲಾಗುತ್ತದೆ. ಹೋಲಿಕಾ ವಿರುದ್ಧ ಪ್ರಹ್ಲಾದನ ವಿಜಯವನ್ನು ಸೂಚಿಸುವ ಆಚರಣೆಯಾಗಿದ್ದು, ಬ್ರಜ್ ಪ್ರದೇಶದಲ್ಲಿ, ಜನರು ಹೋಲಿಕಾ ದಹನ್ ಅಥವಾ ಛೋಟಿ ಹೋಳಿಯನ್ನು ಸಾಂಪ್ರದಾಯಿಕ ರೀತಿಯಲ್ಲಿ ದೀಪೋತ್ಸವವನ್ನು ಬೆಳಗಿಸುವ ಮೂಲಕ ಆಚರಿಸುತ್ತಾರೆ.

ಮಾ.25: ಮಥುರಾ ಮತ್ತು ವೃಂದಾವನದಲ್ಲಿ ಹೋಳಿ:

ಹೂವುಗಳು ಮತ್ತು ಕೇಸರದಂತಹ ನೈಸರ್ಗಿಕ ವಸ್ತುಗಳಿಂದ ಮಾಡಿದ ಬಣ್ಣಗಳು ದೇವಾಲಯದ ಅರ್ಚಕರು ಜನರ ಮೇಲೆ ಸಿಂಪಡಿಸುತ್ತಾರೆ. ಈ ಸಂಭ್ರಮಕ್ಕೆ ದೇಶ ವಿದೇಶಗಳಿಂದ ಜನ ಬರುತ್ತಾರೆ.

ಮಾ.26: ಹುರಂಗ ಹೋಳಿ (Huranga Holi), ದೌಜಿ ದೇವಸ್ಥಾನ:

ಮಥುರಾದ ದೌಜಿ ದೇವಸ್ಥಾನದಲ್ಲಿ (Dauji Temple) ಹೋಳಿ ಹಬ್ಬದ ಮರುದಿನ ಪುರುಷರು ಮತ್ತು ಮಹಿಳೆಯರು ಸಾಂಪ್ರದಾಯಿಕ ಹುರಂಗ ಆಟವನ್ನು ಆಡುತ್ತಾರೆ.

ಈ ಸಂದರ್ಭದಲ್ಲಿ, ಪುರುಷರು ಬಣ್ಣದ ನೀರನ್ನು ಮಹಿಳೆಯರ ಮೇಲೆ ಹಾಕುತ್ತಾರೆ. ಮಹಿಳೆಯರು ಪುರುಷರ ಅಂಗಿಯನ್ನು ಹರಿಯುತ್ತಾರೆ.

ಹತ್ತು ದಿನಗಳ ಈ ಬಣ್ಣದ ಹಬ್ಬದ ಸಮಯದಲ್ಲಿ ನೀವೂ ಒಮ್ಮೆ ಮಥುರಾಗೆ ಭೇಟಿ ನೀಡಿ.

ನಾವೂ ಇನ್ ಸ್ಟಾಗ್ರಾಮ್ ನಲ್ಲೂ ಇದ್ದೀವಿ! ನಮ್ಮ ಗ್ರೂಪ್ ಜಾಯಿನ್ ಆಗಿ.

ನೀವು ಪ್ರವಾಸ ಹೋಗುವ ತಾಣದ ಮಾಹಿತಿ, ಕನ್ನಡ.ಟ್ರಾವೆಲ್ (Kannada.Travel) ಜಾಲತಾಣದಲ್ಲಿ ಪ್ರಕಟವಾಗುವ ಬರಹಗಳ ವಿವರ, ಅಪರೂಪದ ಟ್ರಾವೆಲರ್ ಗಳ ಪರಿಚಯ, ಪ್ರವಾಸಿ ತಾಣಗಳ ಕುತೂಹಲಕರ ಚಿತ್ರ ಬರಹ ಎಲ್ಲವೂ ಇಲ್ಲಿ ನಿಮಗೆ ಸಿಗುತ್ತದೆ. ಬನ್ನಿ ಜೊತೆಯಾಗಿ.