ಪಂಜಾಬ್ ನಲ್ಲಿ ನೋಡಬಹುದಾದ ತಾಣಗಳಿವು 

ಪಂಜಾಬ್ (Punjab) ಸುಂದರವಾದ ಸಂಸ್ಕೃತಿ, ಭಾಷೆ, ಇತಿಹಾಸ, ಪ್ರವಾಸಿ ಸ್ಥಳಗಳನ್ನು ಹೊಂದಿರುವ ರಾಜ್ಯ. ಪಂಜಾಬ್ ರಾಜ್ಯದಲ್ಲಿ ಅನೇಕ ಕೋಟೆಗಳು(Fort), ಪ್ರಸಿದ್ಧವಾದ ಗೋಲ್ಡನ್ ಟೆಂಪಲ್(Golden Temple), ಜಲಿಯನ್ ವಾಲಾ ಬಾಗ್ (Jallianwala Bagh)ಇನ್ನು ಅನೇಕ ಪ್ರವಾಸಿ ಆಕರ್ಷಣೆಗಳನ್ನು ನೋಡಬಹುದು.  ಪಂಜಾಬ್ ರಾಜ್ಯದಲ್ಲಿ ನೋಡಬಹುದಾದ ತಾಣಗಳು ಇಲ್ಲಿದೆ.

ಗೋಲ್ಡನ್ ಟೆಂಪಲ್ (Golden Temple)

ಗೋಲ್ಡನ್‌ ಟೆಂಪಲ್‌ ಎಂದೇ ಕರೆಯಲಾಗುವ ಭವ್ಯವಾದ ಸಿಖ್‌ರ (Sikh)ದೇವಾಲಯವು ಅಮೃತಸರದಲ್ಲಿದೆ(Amritsar). ಭಾರತದ ಮೂಲೆ ಮೂಲೆಗಳಿಂದಲೇ ಅಲ್ಲದೇ ವಿದೇಶಗಳಿಂದಲೂ ಜನರು ಈ ಭವ್ಯವಾದ ಗೋಲ್ಡನ್‌ ಟೆಂಪಲ್‌ ನೋಡಲು ಬರುತ್ತಾರೆ. ಇದೊಂದು ಸಿಖ್‌ ಧಾರ್ಮಿಕ ಕ್ಷೇತ್ರವಾಗಿದ್ದು, ಎಲ್ಲಾ ಧರ್ಮದ ಜನರನ್ನು ಆದರದಿಂದ ಸ್ವಾಗತಿಸುತ್ತದೆ. 

ಗೋಲ್ಡನ್ ಟೆಂಪಲ್ ತನ್ನ ಸಂಪೂರ್ಣ ಚಿನ್ನದ ಗುಮ್ಮಟಕ್ಕೆ ಹೆಸರುವಾಸಿಯಾಗಿದೆ, ಇದು ಸಿಖ್ಖರಿಗೆ ಅತ್ಯಂತ ಪವಿತ್ರವಾದ ಯಾತ್ರಿಕ ಸ್ಥಳಗಳಲ್ಲಿ ಒಂದಾಗಿದೆ. ಮಂದಿರವನ್ನು 67 ಅಡಿ ಚೌಕದ ಅಮೃತಶಿಲೆಯ(White Marble)ಮೇಲೆ ನಿರ್ಮಿಸಲಾಗಿದೆ ಮತ್ತು ಇದು ಎರಡು ಅಂತಸ್ತಿನ ರಚನೆಯಾಗಿದೆ. ಮಹಾರಾಜ ರಂಜಿತ್ ಸಿಂಗ್ ಅವರು ಕಟ್ಟಡದ ಮೇಲಿನ ಅರ್ಧವನ್ನು ಸರಿಸುಮಾರು 400 ಕೆಜಿ ಚಿನ್ನದ ಎಲೆಗಳಿಂದ ನಿರ್ಮಿಸಿದ್ದರು. 

ಲೂಧಿಯಾನ(Ludhiana)

ಸಟ್ಲೆಜ್(Sutlej)ನದಿಯ ಉದ್ದಕ್ಕೂ ನೆಲೆಗೊಂಡಿರುವ ಲುಧಿಯಾನವು ಭಾರತದ ಅತಿದೊಡ್ಡ ಉತ್ಪಾದನಾ ಕೇಂದ್ರವಾಗಿ ನಿಂತಿದೆ, ಕೈಗಾರಿಕಾ ಪರಾಕ್ರಮ ಮತ್ತು ಐತಿಹಾಸಿಕ ಆಕರ್ಷಣೆಯ ವಿಶಿಷ್ಟ ಮಿಶ್ರಣವನ್ನು ಉಳಿಸಿಕೊಂಡಿದೆ.

ಅದರ ಶ್ರೀಮಂತ ಭೂತಕಾಲವನ್ನು ಪ್ರತಿಬಿಂಬಿಸುವ ಅದರ ಯುದ್ಧ ವಸ್ತುಸಂಗ್ರಹಾಲಯಗಳು ಮತ್ತು ಲೋಧಿ (Lodhi)ರಾಜವಂಶದ ಅವಶೇಷಗಳನ್ನು ಅನ್ವೇಷಿಸಿ. ಅದರ ಕೈಗಾರಿಕಾ ಭೂದೃಶ್ಯದ ಹೊರತಾಗಿಯೂ, ಲುಧಿಯಾನವು ತನ್ನ ಕೋಟೆಗಳು ಮತ್ತು ಗುರುದ್ವಾರಗಳೊಂದಿಗೆ ಯಾತ್ರಿಕರನ್ನು ಕೈಬೀಸಿ ಕರೆಯುತ್ತದೆ, ಅಕ್ಟೋಬರ್(October)ಮತ್ತು ಜೂನ್ (June)ನಡುವೆ ಆಹ್ಲಾದಕರ ಹವಾಮಾನಕ್ಕಾಗಿ ಭೇಟಿ ನೀಡಿ, ದೃಶ್ಯವೀಕ್ಷಣೆಗೆ ಮತ್ತು ಉದ್ಯಾನವನಗಳಿಗೆ ಕುಟುಂಬ ವಿಹಾರಕ್ಕೆ ಸೂಕ್ತವಾಗಿದೆ.

ಪಟಿಯಾಲ(Patiala)

ಪಟಿಯಾಲ, ಮೊಘಲ್(Mughal )ಮತ್ತು ರಜಪೂತ(Rajaputa )ಕಾಲದ ವಾಸ್ತುಶಿಲ್ಪದ ಅದ್ಭುತಗಳಿಗಾಗಿ ಭೇಟಿ ನೀಡಲೇಬೇಕಾದ ತಾಣವಾಗಿದೆ, ಇದು ಪಂಜಾಬ್‌ನ ಶ್ರೀಮಂತ ಸಂಪ್ರದಾಯಗಳ ಸಾರವನ್ನು ಒಳಗೊಂಡಿದೆ. ಪ್ರದೇಶದ ಸಾಂಸ್ಕೃತಿಕ ಪರಂಪರೆಯನ್ನು ಪರಿಶೀಲಿಸಲು ಅದರ ಐತಿಹಾಸಿಕ ಸ್ಮಾರಕಗಳನ್ನು ಅನ್ವೇಷಿಸಿ. 

ಪಠಾಣ್ ಕೋಟ್ (Pathanakot)

ಪಂಜಾಬ್, ಜಮ್ಮು ಮತ್ತು ಕಾಶ್ಮೀರ(Jammu Kashmir)ಮತ್ತು ಹಿಮಾಚಲ ಪ್ರದೇಶಗಳ(Himachal Pradesh) ಸಂಗಮದಲ್ಲಿರುವ ಪಠಾಣ್‌ಕೋಟ್ ತನ್ನ  ನೈಸರ್ಗಿಕ ಸೌಂದರ್ಯ ಮತ್ತು ಶಾಂತ ವಾತಾವರಣದಿಂದ ಆಕರ್ಷಿಸುತ್ತದೆ. ಲೋಯಿ ಮತ್ತು ಶಾಲು ನೇಯ್ಗೆ ಉದ್ಯಮಕ್ಕೆ ಹೆಸರುವಾಸಿಯಾಗಿದೆ. ಅಕ್ಟೋಬರ್(October)ಮತ್ತು ಏಪ್ರಿಲ್(April) ನಡುವೆ ಆಹ್ಲಾದಕರ ಹವಾಮಾನಕ್ಕಾಗಿ ಭೇಟಿ ನೀಡಿ.

ನೀವು ಇದನ್ನು ಓದಬಹುದು:ಜಮ್ಮು ಕಾಶ್ಮೀರ ನೋಡಬಹುದಾದ ತಾಣಗಳು

ಮೊಹಾಲಿ(Mohali)

ಪಂಜಾಬ್‌ನ ಪ್ರಮುಖ ಪ್ರವಾಸಿ ತಾಣವಾಗಿದ್ದು, ಸಾಂಸ್ಕೃತಿಕ, ವಾಣಿಜ್ಯ ಮತ್ತು ಸಾರಿಗೆ ಕೇಂದ್ರವಾಗಿ ಅಭಿವೃದ್ಧಿ ಹೊಂದುತ್ತಿದೆ. ಪಿಸಿಎ ಕ್ರಿಕೆಟ್ ಸ್ಟೇಡಿಯಂ(Cricket  Stadium)ಮತ್ತು ಅಂತರಾಷ್ಟ್ರೀಯ ಹಾಕಿ ಕ್ರೀಡಾಂಗಣಕ್ಕೆ ಹೆಸರುವಾಸಿಯಾಗಿದೆ, ಆಹ್ಲಾದಕರ ಚಳಿಗಾಲದ ಹವಾಮಾನಕ್ಕಾಗಿ ನವೆಂಬರ್(November )ಮತ್ತು ಫೆಬ್ರವರಿ(February )ನಡುವೆ ಭೇಟಿ ನೀಡಿ.

ಜಲಂಧರ್ (Jalandhar)

ಪಂಜಾಬ್ ರಾಜ್ಯದ ಜಲಂಧರ್ ಪುರಾತನವಾದ ನಗರವಾಗಿದೆ. ಇದು ತನ್ನದೇ ಆದ ಇತಿಹಾಸ, ಸಂಸ್ಕೃತಿಗೆ  ಹೆಸರುವಾಸಿಯಾಗಿದೆ.ಈ ಸುಂದರವಾದ ನಗರವನ್ನು ಭಾರತದ ಕ್ರೀಡಾ ರಾಜಧಾನಿ ಎಂದು ಕೂಡ ಕರೆಯಲಾಗುತ್ತದೆ.ನೀವು ಪಂಜಾಬಿ ಭಕ್ಷ್ಯಗಳನ್ನು ಆನಂದಿಸಲು ಈ ನಗರಕ್ಕೆ ಭೇಟಿ ನೀಡುವುದು ಸೂಕ್ತವಾದುದು.

ಇಲ್ಲಿ ಅನೇಕ ಪವಿತ್ರವಾದ ದೇವಾಲಯಗಳು, ವಂಡರ್ ಲಾ, ಇಮಾನ್ ನಾಸಿರ್(Iman Nasir)ಸಮಾಧಿಗಳು ಜನಪ್ರಿಯವಾದ ಪ್ರೇಕ್ಷಣೀಯ ಸ್ಥಳಾಗಿದೆ.

ಜಲಿಯನ್ ವಾಲಾ ಬಾಗ್ (Jallianwala Bagh)

ಅಮೃತಸರದಲ್ಲಿರುವ ಜಲಿಯನ್ ವಾಲಾ ಭಾರತದ ಪ್ರಮುಖ ಐತಿಹಾಸಿಕ ಸ್ಥಳವು ಹೌದು. ಇದೊಂದು ವಿಶೇಷವಾದ ಸ್ಥಳವಾಗಿದ್ದು, ಜಲಿಯನ್ ವಾಲಾಬಾಗ್ ನಲ್ಲಿ ಭೀಕರ ಹತ್ಯಾಕಾಂಡಕ್ಕೆ ಸಾಕ್ಷಿಯಾಗಿದೆ. ಆಗಸ್ಟ್ 15(August )ರಂದು ಭಾರತದ ಅನೇಕ ಭಾಗಗಳಿಂದ ಜನರು ಇಲ್ಲಿಗೆ ಭೇಟಿ ನೀಡಲು ಆದ್ಯತೆ ಕೊಡುತ್ತಾರೆ.

ಗೋಲ್ಡನ್ ಟೆಂಪಲ್ ಬಳಿ ಇರುವ ಜಲಿಯನ್ ವಾಲಾ ಬಾಗ್ ಸಾರ್ವಜನಿಕ ಉದ್ಯಾನವನವಾಗಿದೆ. 6.5 ಎಕರೆ ಪ್ರದೇಶದಲ್ಲಿ ಹರಡಿರುವ ಜಲಿಯನ್ ವಾಲಾ ಬಾಗ್ ಬಗ್ಗೆ ಇತಿಹಾಸದ ಪುಟಗಳಲ್ಲಿ ತಿರುವಿ ನೋಡಿದರೆ ಬ್ರಿಟಿಷ್ ಸೈನ್ಯಾಧಿಕಾರಿ ಜನರಲ್ ಡೈಯರ್ ಆದೇಶದ ಮೇರೆಗೆ ಬೈಸಾಖಿಯ ಆಚರಣೆಯಲ್ಲಿ ನೆರೆದಿದ್ದ ಸಾವಿರಾರು ಮುಗ್ಧ ಜನರನ್ನು ಕೊಂದಿರುವುದು ಗೊತ್ತಾಗುತ್ತದೆ. 

ಈ ಸ್ಥಳವನ್ನು ಈಗ ಸುಂದರವಾದ ಉದ್ಯಾನವನವನ್ನಾಗಿ ಮಾಡಲಾಗಿದೆ. ಇದನ್ನು ಜಲಿಯನ್ ವಾಲಾ ಬಾಗ್ ರಾಷ್ಟ್ರೀಯ ಸ್ಮಾರಕ ಟ್ರಸ್ಟ್ ನಿರ್ವಹಿಸುತ್ತದೆ. ಆವರಣದೊಳಗೆ ಹಲವಾರು ರಚನೆಗಳಿದ್ದು, ಬ್ರಿಟೀಷರ ದೌರ್ಜನ್ಯಗಳು ಕಂಡುಬರುತ್ತವೆ. ಗುಂಡುಗಳ ಗುರುತನ್ನು ಹೊಂದಿರುವ ಗೋಡೆಗಳು ಮತ್ತು ಗುಂಡುಗಳ ದಾಳಿಯಿಂದ ತಮ್ಮನ್ನು ರಕ್ಷಿಸಿಕೊಳ್ಳಲು ಜನರು ಹಾರಿದ್ದ ಬಾವಿಗಳನ್ನು ಕಾಣಬಹುದು.

ವಾಘಾ ಗಡಿ (Attari – Wagah Border)

ಲಾಹೋರ್‌(Lahore)ನಿಂದ 22 ಕಿ.ಮೀ ಮತ್ತು ಅಮೃತಸರದಿಂದ 28 ಕಿ.ಮೀ ದೂರದಲ್ಲಿರುವ ವಾಘಾ ಬಾರ್ಡರ್ ನಲ್ಲಿ ಭಾರತ(India )ಮತ್ತು ಪಾಕಿಸ್ತಾನದ (Pakistan)ನಡುವೆ ಇರುವ ಗಡಿಯಿದೆ.  ಪ್ರತಿದಿನ ಸಂಜೆ ಸೂರ್ಯಾಸ್ತದ ಸ್ವಲ್ಪ ಮುಂಚೆ ಭಾರತ ಮತ್ತು ಪಾಕಿಸ್ತಾನದ ಸೈನಿಕರು ವಾಗಾ ಗಡಿಯಲ್ಲಿ 30 ನಿಮಿಷಗಳ ಕಾಲ ಪ್ರದರ್ಶನದಲ್ಲಿ ತೊಡಗುತ್ತಾರೆ.

ಸಮಾರಂಭದ ಸಮಯದಲ್ಲಿ ಪ್ರೇಕ್ಷಕರು ರಾಷ್ಟ್ರಗೀತೆ, ಚಪ್ಪಾಳೆ ಜೊತೆಗೆ ಹಿಂದಿ ಹಾಡುಗಳಿಗೆ ಬಾಲಿವುಡ್ ಶೈಲಿಯ ನೃತ್ಯವನ್ನು ಮಾಡುತ್ತಾರೆ

ನಾವೂ ಇನ್ ಸ್ಟಾಗ್ರಾಮ್ ನಲ್ಲೂ ಇದ್ದೀವಿ! ನಮ್ಮ ಗ್ರೂಪ್ ಜಾಯಿನ್ ಆಗಿ.

ನೀವು ಪ್ರವಾಸ ಹೋಗುವ ತಾಣದ ಮಾಹಿತಿ, ಕನ್ನಡ.ಟ್ರಾವೆಲ್ (Kannada.Travel) ಜಾಲತಾಣದಲ್ಲಿ ಪ್ರಕಟವಾಗುವ ಬರಹಗಳ ವಿವರ, ಅಪರೂಪದ ಟ್ರಾವೆಲರ್ ಗಳ ಪರಿಚಯ, ಪ್ರವಾಸಿ ತಾಣಗಳ ಕುತೂಹಲಕರ ಚಿತ್ರ ಬರಹ ಎಲ್ಲವೂ ಇಲ್ಲಿ ನಿಮಗೆ ಸಿಗುತ್ತದೆ. ಬನ್ನಿ ಜೊತೆಯಾಗಿ.