ಹೊಸ ದಾಖಲೆ ಸೃಷ್ಟಿಸಿದ ಕಾಜಿರಂಗ ನ್ಯಾಷನಲ್ ಪಾರ್ಕ್
![](https://kannada.travel/wp-content/uploads/2024/04/Kaziranga-National-Park-780x470.jpg)
ಭಾರತದ(India )ಅತ್ಯುತ್ತಮ ವನ್ಯಜೀವಿ ಉದ್ಯಾನವನಗಳಲ್ಲಿ ಕಾಜಿರಂಗ ಉದ್ಯಾನವನ(Kaziranga National Park)ಕೂಡ ಒಂದು. ಈ ಉದ್ಯಾನವನವು ಒಂದು ಕೊಂಬಿನ ಘೇಂಡಾಮೃಗಗಳು(Rhinoceros )ಮತ್ತು ಬಂಗಾಳ ಹುಲಿಗಳಿಗೆ (Bangla Tiger)ಪ್ರಸಿದ್ದಿ. ಇದೀಗ ಈ ಉದ್ಯಾನವನ ಪ್ರವಾಸಿಗರು ಮತ್ತು ಆದಾಯದ ಸಂಖ್ಯೆಯಲ್ಲಿ ಹೊಸ ದಾಖಲೆ ಬರೆದಿದೆ.
ಸುಂದರವಾದ ಅಭಯಾರಣ್ಯವು ಶಾಂತವಾದ ಭೂದೃಶ್ಯಗಳು, ವೈವಿಧ್ಯಮಯ ವನ್ಯಜೀವಿಗಳು ಮತ್ತು ಸಾಂಪ್ರದಾಯಿಕ ಜಾತಿಗಳಿಗೆ ಹೆಸರುವಾಸಿಯಾಗಿದೆ. ಇದು UNESCO ವಿಶ್ವ ಪರಂಪರೆಯ ತಾಣವಾಗಿದೆ(World Heritage Site). ಇತ್ತೀಚಿನ ದಿನಗಳಲ್ಲಿ ಕುಟುಂಬಗಳು ಮತ್ತು ವನ್ಯಜೀವಿ ಉತ್ಸಾಹಿಗಳಿಗೆ ಇದು ನೆಚ್ಚಿನ ತಾಣವಾಗಿದೆ.
![Kaziranga National Park](https://kannada.travel/wp-content/uploads/2024/04/image-50.png)
ತನ್ನ ಶ್ರೀಮಂತ ವನ್ಯಜೀವಿಗಳ ಹೊರತಾಗಿ, ಕಾಜಿರಂಗ ತನ್ನ ದೃಶ್ಯಾವಳಿಗಳಿಂದ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ವಿಸ್ತಾರವಾದ ಹುಲ್ಲುಗಾವಲುಗಳು, ಬ್ರಹ್ಮಪುತ್ರ(Brahmaputra River)ನದಿಯಂತಹ ಅಂಕುಡೊಂಕಾದ ಜಲಮೂಲಗಳೊಂದಿಗೆ ನೋಡುಗರನ್ನು ಮೋಡಿ ಮಾಡುತ್ತದೆ
ನೀವು ಇದನ್ನು ಇಷ್ಟ ಪಡಬಹುದು:ನೈಸರ್ಗಿಕ ಪರಂಪರೆ ತಾಣಗಳಲ್ಲಿ ಒಂದಾದ ಕೊಡಚಾದ್ರಿ
2023-24 ಆರ್ಥಿಕ ವರ್ಷದಲ್ಲಿ, ಉದ್ಯಾನವನವು ಪ್ರವಾಸಿಗರ ಸಂಖ್ಯೆಯಲ್ಲಿ ಮತ್ತು ಆದಾಯದಲ್ಲಿ ಅಸಾಧಾರಣ ಹೆಚ್ಚಳವನ್ನು ಕಂಡಿದೆ.
2022-23 ಆರ್ಥಿಕ ವರ್ಷದಲ್ಲಿ 314,796 ಸಂದರ್ಶಕರನ್ನು ಸ್ವಾಗತಿಸಿದ್ದು, ರೂ 83,385,383 ಆದಾಯವನ್ನು ಗಳಿಸಿದ್ದಾರೆ.
![Kaziranga National Park](https://kannada.travel/wp-content/uploads/2024/04/image-48-1024x766.png)
ಇನ್ನು ಕಳೆದ ಅಕ್ಟೋಬರ್(October )2021 ರಿಂದ ಮೇ(May) 2022 ರವರೆಗಿನ ಪ್ರವಾಸಿ ಋತುವಿನಲ್ಲಿ 275,000 ಸಂದರ್ಶಕರು ಮತ್ತು 6 ಕೋಟಿ ಆದಾಯ ಸಂಗ್ರಹಣೆಯನ್ನು ತಂದುಕೊಟ್ಟಿದೆ. ಸರಾಸರಿ, ಉದ್ಯಾನವನವು ಸಾಮಾನ್ಯವಾಗಿ ವಾರ್ಷಿಕವಾಗಿ ಸುಮಾರು 180,000 ಪ್ರವಾಸಿಗರನ್ನು ಆಕರ್ಷಿಸಿದೆ. ಉದ್ಯಾನವನವು ಸುಮಾರು 430 ಚದರ ಕಿಲೋಮೀಟರ್ಗಳಷ್ಟು ಪ್ರದೇಶದಲ್ಲಿ ಹರಡಿದ್ದು, ಯುನೆಸ್ಕೋ ವಿಶ್ವ ಪರಂಪರೆಯ ತಾಣವಾಗಿ ಜನಪ್ರಿಯವಾಗಿದೆ.
ವಿಶೇಷವಾಗಿ ಅಳಿವಿನಂಚಿನಲ್ಲಿರುವ ಒಂದು ಕೊಂಬಿನ ಘೇಂಡಾಮೃಗಗಳು, ಹುಲಿಗಳು, ಆನೆಗಳು, ಕಾಡು ನೀರಿನ ಎಮ್ಮೆ ಮತ್ತು ಅಸಂಖ್ಯಾತ ಪಕ್ಷಿ ಪ್ರಭೇದಗಳನ್ನು ಒಳಗೊಂಡಂತೆ ಅಸಂಖ್ಯಾತ ಜಾತಿಗಳಿಗೆ ಸುರಕ್ಷಿತ ನೆಲೆಯಾಗಿದೆ.
ಕಾಜಿರಂಗ ನ್ಯಾಷನಲ್ ಪಾರ್ಕ್ ಬಗ್ಗೆ ಇನ್ನಷ್ಟು,
ಕಾಜಿರಂಗ ರಾಷ್ಟ್ರೀಯ ಉದ್ಯಾನವು ಭಾರತದ ಅಸ್ಸಾಂ(Assam) ರಾಜ್ಯದಲ್ಲಿದೆ. ವಿಶ್ವ ಪರಂಪರೆಯ ತಾಣವಾಗಿರುವ ಕಾಜಿರಂಗ ರಾಷ್ಟ್ರೀಯ ಉದ್ಯಾನವು ಜಗತ್ತಿನಲ್ಲಿರುವ ಒಟ್ಟು ಏಕ ಕೊಂಬಿನ ಘೇಂಡಾಮೃಗ (ಖಡ್ಗಮೃಗ)ಗಳ ಪೈಕಿ ಮೂರನೆಯ ಎರಡು ಭಾಗಕ್ಕೆ ನೆಲೆಯಾಗಿದೆ. ಗೋಲಾಘಾಟ್(Golaghat) ಮತ್ತು ನಾಗಾಂವ್ ಜಿಲ್ಲೆಗಳಲ್ಲಿ ಹರಡಿರುವ ಕಾಜಿರಂಗ ರಾಷ್ಟ್ರೀಯ ಉದ್ಯಾನದ ಒಟ್ಟು ವಿಸ್ತೀರ್ಣ ೪೩೦ ಚದರ ಕಿ.ಮೀ.ಗಳಷ್ಟು. ಈ ಉದ್ಯಾನದಲ್ಲಿ ಹುಲಿಗಳ ಸಂಖ್ಯೆ ಬಲು ಸಾಂದ್ರವಾಗಿದ್ದು ಇದು ವಿಶ್ವದ ಕಾಪಿಟ್ಟ ಅರಣ್ಯಗಳ ಪೈಕಿ ಅತಿ ಹೆಚ್ಚೆನಿಸಿದೆ. ಕಾಜಿರಂಗ ರಾಷ್ಟ್ರೀಯ ಉದ್ಯಾನವನ್ನು ೨೦೦೬ರಲ್ಲಿ ಹುಲಿ ಮೀಸಲು ಎಂದು ಘೋಷಿಸಲಾಗಿದೆ
ಈ ಉದ್ಯಾನವನಕ್ಕೆ ಭೇಟಿ ನೀಡಲು ಸೂಕ್ತವಾದ ಸಮಯ ನವೆಂಬರ್(November) ತಿಂಗಳಿನಿಂದ ಏಪ್ರಿಲ್(April) ತಿಂಗಳ ನಡುವೆ. ನೀವು ಇಲ್ಲಿ ಸಫಾರಿ ಕೂಡ ಆನಂದಿಸಬಹುದು.
![](https://kannada.travel/wp-content/uploads/2024/04/image-51-1024x683.png)
ಒಬ್ಬರಿಗೆ ಪ್ರತಿ ಜೀಪ್ ಸಫಾರಿಗೆ (Safari) 3800 ರೂಪಾಯಿಯಿಂದ 4500 ರೂಪಾಯಿಯವರೆಗೆ ಹಣವನ್ನು ಪಾವತಿಸಬೇಕಾಗುತ್ತದೆ.
ಸಫಾರಿಗೆ ಬೇಕಾಗುವ ಅಂದಾಜು ಸಮಯ 2 ರಿಂದ 3 ಗಂಟೆಯವರೆಗೆ ಪ್ರಾಣಿ ಪ್ರಪಂಚದಲ್ಲಿ ನೀವು ಅಡ್ಡಾಡಬಹುದು.
ನಾವೂ ಇನ್ ಸ್ಟಾಗ್ರಾಮ್ ನಲ್ಲೂ ಇದ್ದೀವಿ! ನಮ್ಮ ಗ್ರೂಪ್ ಜಾಯಿನ್ ಆಗಿ.
ನೀವು ಪ್ರವಾಸ ಹೋಗುವ ತಾಣದ ಮಾಹಿತಿ, ಕನ್ನಡ.ಟ್ರಾವೆಲ್ (Kannada.Travel) ಜಾಲತಾಣದಲ್ಲಿ ಪ್ರಕಟವಾಗುವ ಬರಹಗಳ ವಿವರ, ಅಪರೂಪದ ಟ್ರಾವೆಲರ್ ಗಳ ಪರಿಚಯ, ಪ್ರವಾಸಿ ತಾಣಗಳ ಕುತೂಹಲಕರ ಚಿತ್ರ ಬರಹ ಎಲ್ಲವೂ ಇಲ್ಲಿ ನಿಮಗೆ ಸಿಗುತ್ತದೆ. ಬನ್ನಿ ಜೊತೆಯಾಗಿ.