“ಫಿಜಿ ದ್ವೀಪ ರಾಷ್ಟ್ರ”ವು ಭಾರತೀಯ ಪ್ರವಾಸಿಗರಿಗೆ ‘ವೀಸಾ-ಆನ್-ಅರೈವಲ್’ ಘೋಷಿಸಿದೆ.
ದಕ್ಷಿಣ ಪೆಸಿಫಿಕ್ ದ್ವೀಪ ರಾಷ್ಟ್ರವಾದ (South Pacific Island nation) ಫಿಜಿ ದೇಶವು ಭಾರತೀಯರಿಗೆ ವೀಸಾ-ಆನ್-ಅರೈವಲ್ (Visa On Arrival) ಸೇವೆಯನ್ನು ಪ್ರಾರಂಭಿಸಿದೆ ಮತ್ತು ಭಾರತೀಯ ಪ್ರವಾಸಿಗರ (Indian Tourists) ಸಂಖ್ಯೆಯನ್ನು ಶೇಕಡಾ 5 ರಿಂದ 7 ರಷ್ಟು ಹೆಚ್ಚಿಸುವ ಗುರಿಯನ್ನು ಇದು ಹೊಂದಿದೆ.
ಫಿಜಿಯು (Fiji) ಕುಟುಂಬದೊಂದಿಗೆ ಪ್ರವಾಸ ಮಾಡುವ (Family travellers) ಅಥವಾ ಮಧುಚಂದ್ರಕೆ (Honeymoon) ಬರುವ ಜೋಡಿಗಳನ್ನು ಮುಖ್ಯವಾಗಿ ಆಕರ್ಷಿಸಲು ಈಗಾಗಲೇ ಪ್ರಚಾರವನ್ನು ಆರಂಭಿಸಿದೆ ಮತ್ತು ಡಿಜಿಟಲ್ ಪ್ಲ್ಯಾಟ್ ಫಾರ್ಮ್ (Digital platforms) ಅನ್ನು ಸಹ ನಿಯಂತ್ರಿಸುತ್ತಿದೆ.
ಎಕನಾಮಿಕ್ ಟೈಮ್ಸ್‌ನ ವರದಿಯ ಪ್ರಕಾರ, ಫಿಜಿ ಪ್ರದೇಶಗಳ ಪ್ರವಾಸೋದ್ಯಮ ಕಾರ್ಯನಿರ್ವಾಹಕ ನಿರ್ದೇಶಕ ರಾಬರ್ಟ್ ಥಾಂಪ್ಸನ್ ಅವರು ಈ ಘೋಷಣೆಯನ್ನು ಮಾಡಿದ್ದಾರೆ.
“ಫಿಜಿ ಪ್ರವಾಸೋದ್ಯಮವು (Fiji Tourism) ವಿವಿಧ ಭಾಗಗಳ ಭಾರತದ ಪ್ರಯಾಣಿಕರನ್ನು ಆಕರ್ಷಿಸಲು ವಿಶೇಷ ಗಮನವನ್ನು ನೀಡುತ್ತದೆ” ಎಂದು ರಾಬರ್ಟ್ ತಿಳಿಸಿದ್ದಾರೆ.
ಈ ದೇಶವು ಹನಿಮೂನ್, ಪರಿಸರ-ಪ್ರವಾಸೋದ್ಯಮ, ಸುಸ್ಥಿರ, ಅವಿಭಕ್ತ ಕುಟುಂಬಗಳು ಮತ್ತು ಕ್ಷೇಮ ಪ್ರಯಾಣವನ್ನು ಒಳಗೊಂಡಿದೆ.ಕಳೆದ ವರ್ಷ 2023 ರಲ್ಲಿ ಫಿಜಿ ಅತಿ ಹೆಚ್ಚು ಪ್ರವಾಸಿಗರನ್ನು ಕಂಡಿತ್ತು.
ಇದು 2022 ರ ಡಿಸೆಂಬರ ನಲ್ಲಿ ಕಂಡು ಬಂದ ಪ್ರವಾಸಿಗರಿಗಿಂತ 300% ಹೆಚ್ಚಿದೆ. 2023ರ ಭಾರತೀಯ ಪ್ರವಾಸಿಗರ ಭೇಟಿಯ 2019ಕ್ಕಿಂತ ಮೊದಲ ಕೋವಿಡ್-19 ಪೂರ್ವ ಕಾಲದ ಸಂಖ್ಯೆಯನ್ನು ಮತ್ತೆ ತಲುಪಿದೆ.
2023ರಲ್ಲಿ ಫಿಜಿಗೆ 9,29,740 ಅಂತರಾಷ್ಟ್ರೀಯ ಪ್ರವಾಸಿಗರು ಭೇಟಿ ನೀಡಿದ್ದರು. ಇದು 2019ಕ್ಕಿಂತ 4% ಹೆಚ್ಚಿದೆ. ಸಂದರ್ಶಕರ ಭೇಟಿಯಿಂದ ಅಂದಾಜು ದೇಶವು USD 3.3 ಬಿಲಿಯನ್ ಲಾಭ ಗಳಿಸಿದೆ.
ಫಿಜಿಯಲ್ಲಿ ಭಾರತೀಯ ಪ್ರಯಾಣಿಕರ ಸರಾಸರಿ ವಾಸ್ತವ್ಯದ ಅವಧಿಯು 7.6 ರಾತ್ರಿಗಳು ಎಂದು ವರದಿ ತಿಳಿಸಿದೆ.
ಭಾರತ ಮತ್ತು ಫಿಜಿಯ ನಡುವೆ ಯಾವುದೇ ನೇರ ಸಂಪರ್ಕದ ವಿಮಾನಗಳಿಲ್ಲದಿದ್ದರೂ, ಸಿಂಗಾಪುರ್, ಆಸ್ಟ್ರೇಲಿಯಾ ಮತ್ತು ಹಾಂಗ್ ಕಾಂಗ್‌ನಂತಹ ರಾಷ್ಟ್ರಗಳ ವಿಮಾನಗಳ ಮೂಲಕ ಸಂಪರ್ಕ ಸಾಧಿಸಬಹುದು.
ಫಿಜಿ ದೇಶವು ಸ್ಫಟಿಕ-ಸ್ಪಷ್ಟ ನೀರು, ಸೊಂಪಾದ ಉಷ್ಣವಲಯದ ಭೂದೃಶ್ಯಗಳು ಮತ್ತು ಪ್ರಾಚೀನ ಕಡಲತೀರಗಳಿಗೆ ಹೆಸರುವಾಸಿಯಾಗಿದೆ.
ಜಲ ಕ್ರೀಡೆಗಳು (water sports), ಹೈಕಿಂಗ್ (Hiking), ಡೈವಿಂಗ್ (Diving) ಮತ್ತು ಪ್ರೀಮಿಯಂ ಐಷಾರಾಮಿ ಅನುಭವಗಳನ್ನು ಬಯಸುವವರಿಗೆ ಇದು ಅತ್ಯುತ್ತಮ ರಾಷ್ಟ್ರ.
ಈ ದ್ವೀಪ ರಾಷ್ಟ್ರವು 300 ಕ್ಕೂ ಹೆಚ್ಚು ದ್ವೀಪಗಳ (islands) ದ್ವೀಪಸಮೂಹಗಳೊಂದಿಗೆ ಅದರ ಒರಟಾದ ಭೂದೃಶ್ಯಗಳು, ಪಾಮ್-ಫ್ರಿಂಜ್ಡ್ ಬೀಚ್‌ಗಳು (palm-fringed beaches) ಮತ್ತು ಲಗೂನ್‌ಗಳೊಂದಿಗೆ (lagoons) ಹವಳದ ಬಂಡೆಗಳಿಗೆ ಹೆಸರುವಾಸಿಯಾಗಿದೆ.
ನಾವೂ ಇನ್ ಸ್ಟಾಗ್ರಾಮ್ ನಲ್ಲೂ ಇದ್ದೀವಿ! ನಮ್ಮ ಗ್ರೂಪ್ ಜಾಯಿನ್ ಆಗಿ.
ನೀವು ಪ್ರವಾಸ ಹೋಗುವ ತಾಣದ ಮಾಹಿತಿ, ಕನ್ನಡ.ಟ್ರಾವೆಲ್ (Kannada.Travel) ಜಾಲತಾಣದಲ್ಲಿ ಪ್ರಕಟವಾಗುವ ಬರಹಗಳ ವಿವರ, ಅಪರೂಪದ ಟ್ರಾವೆಲರ್ ಗಳ ಪರಿಚಯ, ಪ್ರವಾಸಿ ತಾಣಗಳ ಕುತೂಹಲಕರ ಚಿತ್ರ ಬರಹ ಎಲ್ಲವೂ ಇಲ್ಲಿ ನಿಮಗೆ ಸಿಗುತ್ತದೆ. ಬನ್ನಿ ಜೊತೆಯಾಗಿ.
