ಚಿಕ್ಕಮಗಳೂರು ಜಿಲ್ಲೆಯಲ್ಲಿ ನೋಡಬಹುದಾದ ತಾಣಗಳು

ಚಿಕ್ಕಮಗಳೂರು (Chikkamagaluru)ಕಾಫಿನಾಡು ಅಂತಲೇ ಪ್ರಸಿದ್ಧಿ ಹೊಂದಿದೆ. ಒಂದೆಡೆ ಶೃಂಗೇರಿ (Shringeri),ಹೊರನಾಡು (Hornadu)ಅಂತಹ ಇತಿಹಾಸ ಪ್ರಸಿದ್ಧ ದೇವಸ್ಥಾನ. ಮತ್ತೊಂದೆಡೆ ಹಸಿರನ್ನು ಹಾಸಿ ಹೊದ್ದಿರುವ ತಾಣಗಳು. ನೀವು ಚಿಕ್ಕಮಗಳೂರು ಜಿಲ್ಲೆಗೆ ಹೋದರೆ ಈ ಜಾಗಗಳನ್ನು ಕಣ್ತುಂಬಿಕೊಂಡು ಬನ್ನಿ.

ಹೊರನಾಡು(Hornadu)

ಅನ್ನಪೂರ್ಣೇಶ್ವರಿ ದೇವಸ್ಥಾನಕ್ಕೆ (Annapoorneshwari Temple)ಹೆಸರುವಾಸಿಯಾಗಿದೆ. ಹೊರನಾಡು ಅನ್ನಪೂರ್ಣೇಶ್ವರಿ ದೇವಾಲಯವನ್ನು 400 ವರ್ಷಗಳ ಹಿಂದೆ ಸಂತ ಅಗಸ್ತ್ಯ ಮಹರ್ಷಿ (Agastya Maharshi)ನಿರ್ಮಿಸಿದನೆಂದು ನಂಬಲಾಗಿದೆ. ಅನ್ನಪೂರ್ಣೇಶ್ವರಿ ದೇವಾಲಯವು ಪ್ರಾರಂಭವಾದಾಗಿನಿಂದ, ದೇವಸ್ಥಾನಕ್ಕೆ ಭೇಟಿ ನೀಡುವ ಎಲ್ಲಾ ಭಕ್ತರಿಗೆ ಉಚಿತ ಭೋಜನವನ್ನು ಒದಗಿಸುತ್ತದೆ. ಚಿನ್ನದಿಂದ ಮಾಡಿದ ಮುಖ್ಯ ದೇವತೆ ಅನ್ನಪೂರ್ಣೇಶ್ವರಿ ಶಂಖ, ಚಕ್ರ, ಶ್ರೀ ಚಕ್ರ ಮತ್ತು ದೇವಿ ಗಾಯತ್ರಿಗಳನ್ನು ತನ್ನ 4 ಕೈಗಳಲ್ಲಿ ಹಿಡಿದು ನಿಂತುಕೊಂಡಿದ್ದಾಳೆ. ತಲೆಯ ಮೇಲೆ ಬೆಳ್ಳಿಯ ಬಣ್ಣದ ಆದಿಶೇಷ ಇದೆ. ಹೊರನಾಡು ದೇವಸ್ಥಾನದಲ್ಲಿ ಉದ್ಭವ ಮಹಾಗಣಪತಿ(Mahaganapati) ಅಂಜನೇಯ ಸ್ವಾಮಿ (Anjaneya Swamy)ಮತ್ತು ಶ್ರೀ ನವಗ್ರಹಗಳಿಗೆ ಮೀಸಲಾಗಿರುವ ದೇವಾಲಯಗಳಿವೆ.

ಕಳಸ: (Kalasa)

ಭದ್ರಾ ನದಿಯ (Bhadra River)ದಡದಲ್ಲಿರುವ ಒಂದು ಹಳ್ಳಿಯಾಗಿದ್ದು, ಇದು ಕಲೇಶ್ವರ(Kaleshwara) ಮತ್ತು ಅಗಸ್ತ್ಯೇಶ್ವರ (Agasthaishwarya)ದೇವಾಲಯಗಳಿಗೆ ಜನಪ್ರಿಯವಾಗಿದೆ. ಪಶ್ಚಿಮ ಘಟ್ಟದ (Western Ghats)ಮಧ್ಯದಲ್ಲಿ ಮತ್ತು ನದಿಗಳ ಉಪಸ್ಥಿತಿಯಿಂದಾಗಿ ಕಳಸ ಒಂದು ಸುಂದರವಾದ ತಾಣವಾಗಿದೆ. ಕಳಸ ಕೋಟಿ ತೀರ್ಥ(Koti Teertha), ರುದ್ರತೀರ್ಥ(Rudra Theerta), ಅಂಬುತೀರ್ಥ,(Ambu Theertha) ನಾಗತೀರ್ಥ (Nagatheertha)ಮತ್ತು ವಸಿಷ್ಠ ತೀರ್ಥ (Vasishta Theertha)ಐದು ಪವಿತ್ರ ಪುಷ್ಕರಿಣಿಗಳನ್ನೂ ಹೊಂದಿದೆ.

ಬಾಬಾ ಬುಡನ್ ಗಿರಿ(Baba Budan Giri)

ಇಲ್ಲಿ ವಾಸಿಸುತ್ತಿದ್ದ ಮುಸ್ಲಿಂ ಸಂತ ಬಾಬಾ ಬುಡಾನ್‌ರ ಹೆಸರಿಡಲಾಗಿದೆ. ಬಾಬಾ ಬುಡಾನ್ 17 ನೇ ಶತಮಾನದ ಸೂಫಿ ಸಂತರಾಗಿದ್ದು, ಇಸ್ಲಾಂ(Islam) ಧರ್ಮ ಮತ್ತು ಶಾಂತಿಯ ಸಂದೇಶವನ್ನು ಹರಡಲು ಸೌದಿಯಿಂದ ಭಾರತಕ್ಕೆ ಬಂದರು. ದಂತಕಥೆಯ ಪ್ರಕಾರ, ಅವರು ಕ್ರಿ.ಶ 1670 ರಲ್ಲಿ ಯೆಮನ್‌ನ ಮೋಚಾ ಬಂದರಿನಿಂದ ಕಾಫಿ ಬೀಜ ತರುವ ಮೂಲಕ ಭಾರತಕ್ಕೆ ಕಾಫಿಯನ್ನು ಪರಿಚಯಿಸಿದರು. ಈ ಸ್ಥಳವು ಹಿಂದೂಗಳಿಗೆ ದತ್ತಾತ್ರೇಯ ಪೀಠ ಎಂದೂ ಪ್ರಸಿದ್ಧವಾಗಿದೆ. ಇಲ್ಲಿನ ಗುಹೆಯು ಶ್ರೀ ದತ್ತಾತ್ರೇಯ ಸ್ವಾಮಿಯ ನಿವಾಸ ಎಂದು ನಂಬಲಾಗಿದೆ.

ನೀವು ಇದನ್ನೂ ಇಷ್ಟ ಪಡಬಹುದು:ಉಡುಪಿ ಜಿಲ್ಲೆಯಲ್ಲಿ ನೋಡಬಹುದಾದ ತಾಣಗಳು

ಸಿರಿಮನೆ ಜಲಪಾತ: (Sirimane Falls)

ಫಾಲ್ಸ್ ಇಷ್ಟಪಡುವವರು ಶೃಂಗೇರಿಗೆ(Sringeri)ಬಂದು ಹಾಗೆಯೇ ವಾಪಾಸು ಹೋಗುವ ಅಗತ್ಯವಿಲ್ಲ. ನಿಮ್ಮನ್ನು ಸಿರಿಮನೆ ಸದಾ ಸ್ವಾಗತಿಸುತ್ತದೆ. .ಸಿರಿಮನೆ ಜಲಪಾತವು ಶೃಂಗೇರಿ ಶಾರದಾಂಬೆ (Sharadambe)15 ಕಿ.ಮೀ ದೂರದಲ್ಲಿದೆ. ಜಲಪಾತದ ಹಾದಿಯು ಋಷ್ಯಶೃಂಗ ದೇವಸ್ಥಾನಕ್ಕೆ ಹೆಸರುವಾಸಿಯಾದ ಕಿಗ್ಗಾ ಗ್ರಾಮದ (Kigga Village)ಮೂಲಕ ಹಾದುಹೋಗುತ್ತದೆ. ರಸ್ತೆ ಸಂಪರ್ಕವು ಉತ್ತಮವಾಗಿದೆ ಮತ್ತು ಜಲಪಾತಕ್ಕೆ ಎಲ್ಲಾ ಮಾರ್ಗಗಳನ್ನು ಗುರುತಿಸಲಾಗಿದೆ. ಈ ಪ್ರದೇಶಕ್ಕೆ ಸುಲಭವಾಗಿ ಪ್ರವೇಶಿಸಬಹುದಾದ ಜಲಪಾತಗಳಲ್ಲಿ ಇದೂ ಒಂದು, ಏಕೆಂದರೆ ಒಬ್ಬ ವ್ಯಕ್ತಿಯು ಜಲಪಾತಗಳ ಸಮೀಪ ತಲುಪಲು ಕೆಲವು ಉತ್ತಮವಾದ ಹೆಜ್ಜೆಗಳನ್ನು ಇಡಬೇಕು.

ಕ್ಯಾತನಮಕ್ಕಿ(Kyatanamakki)

ಚಿಕ್ಕಮಗಳೂರು ಜಿಲ್ಲೆಯ ಕಳಸ (Kalasa)ತಾಲೂಕಿನ ಪ್ರವಾಸಿಗರ ಅಚ್ಚುಮೆಚ್ಚಿನ ತಾಣ ಕ್ಯಾತನಮಕ್ಕಿ. ಮೂಡಿಗೆರೆಯಿಂದ(Mudigere) ಕ್ಯಾತನಮಕ್ಕಿ 72 ಕಿ.ಮೀ ದೂರದಲ್ಲಿದೆ.ಹೊರನಾಡು ಶ್ರೀ ಕ್ಷೇತ್ರ ಅನ್ನಪೂರ್ಣೇಶ್ವರಿ ದೇವಸ್ಥಾನದ ಸಮೀಪವಿರುವ ಈ ತಾಣಕ್ಕೆ ಶ್ರಂಗೇರಿಗೆ ಸಂಪರ್ಕಿಸುವ ರಸ್ತೆಯಲ್ಲಿ ಸಾಗಬೇಕು. ಕಳಸದಿಂದ ಈ ಸುಂದರ ತಾಣ ತಲುಪಲು 20 ಕಿ.ಮೀ ಕ್ರಮಿಸಬೇಕು. ಬಲಿಗೆ ಜೈನ ಬಸದಿಯ ಸಮಿಪದಲ್ಲಿ ಈ ಕ್ಯಾತನಮಕ್ಕಿ ಸುಂದರ ಪ್ರಕ್ರತಿ ತಾಣ ಸಿಗುತ್ತದೆ.

ದೇವಿರಮ್ಮ ದೇವಸ್ಥಾನ (Deviramma Temple)

ದೇವಿರಮ್ಮ ದೇವಸ್ಥಾನವು ಈ ಬೆಟ್ಟದ ಮೇಲಿದೆ, ಇದು ದೀಪಾವಳಿಯ ಸಮಯದಲ್ಲಿ ಮಾತ್ರ ತೆರೆದಿರುತ್ತದೆ, ಮೈಸೂರು ಅರಮನೆಯು( Mysore Palace)ಈ ಬೆಟ್ಟದಿಂದ ಸೂಚನೆ (ಬೆಳಕು) ಆಧಾರದ ಮೇಲೆ ಆಚರಣೆಯನ್ನು ಪ್ರಾರಂಭಿಸುತ್ತದೆ ಎಂಬ ಮಾತಿದೆ.ಈ ಬೆಟ್ಟದ ತುದಿಯಲ್ಲಿರುವ ದೇವಿರಮ್ಮನ ದೇವಸ್ಥಾನದಿಂದಾಗಿ ದೇವಿರಮ್ಮ ಬೆಟ್ಟ ಎಂದು ಹೆಸರಿಸಲಾಗಿದೆ. ಇದು ಮಾಣಿಕ್ಯಧಾರದ ಪಕ್ಕದಲ್ಲಿರುವ ಚಂದ್ರ ದ್ರೋಣ ಬೆಟ್ಟಗಳ (Chandra drona hills)ಶ್ರೇಣಿಯಲ್ಲಿದೆ. ಚಿಕ್ಕಮಗಳೂರು ನಗರದಿಂದ ದೂರವು ಸುಮಾರು 26 ಕಿ.ಮೀ.

ನಾವೂ ಇನ್ ಸ್ಟಾಗ್ರಾಮ್ ನಲ್ಲೂ ಇದ್ದೀವಿ! ನಮ್ಮ ಗ್ರೂಪ್ ಜಾಯಿನ್ ಆಗಿ.

ನೀವು ಪ್ರವಾಸ ಹೋಗುವ ತಾಣದ ಮಾಹಿತಿ, ಕನ್ನಡ.ಟ್ರಾವೆಲ್ (Kannada.Travel) ಜಾಲತಾಣದಲ್ಲಿ ಪ್ರಕಟವಾಗುವ ಬರಹಗಳ ವಿವರ, ಅಪರೂಪದ ಟ್ರಾವೆಲರ್ ಗಳ ಪರಿಚಯ, ಪ್ರವಾಸಿ ತಾಣಗಳ ಕುತೂಹಲಕರ ಚಿತ್ರ ಬರಹ ಎಲ್ಲವೂ ಇಲ್ಲಿ ನಿಮಗೆ ಸಿಗುತ್ತದೆ. ಬನ್ನಿ ಜೊತೆಯಾಗಿ.