ಕೃಷ್ಣನೂರಿಗೆ ಹೋದ್ರೆ ಮಧ್ವಾಚಾರ್ಯರ ಊರಿಗೆ ಹೋಗಿ ಬನ್ನಿ

ಉಡುಪಿ(Udupi )ಎಂದಾಗ ಅಲ್ಲಿ ಮಠ,ಮಂದಿರಗಳು ನಿಮಗೆ ನೆನಪಾಗಿತ್ತದೆ. ಕಡಲಿನ ನೆಲೆಯಾಗಿರುವ ಕಾರಣಕ್ಕೆ ಬಹುತೇಕರ ಬಕೆಟ್ ಲಿಸ್ಟ್ ನಲ್ಲಿ ಉಡುಪಿ ಇದ್ದೆ ಇರುತ್ತದೆ.

ಉಡುಪಿಗೆ ಹೋದಾಗ ಮತ್ತೊಂದು ಕ್ಷೇತ್ರವನ್ನು ಮರೆಯದೆ ನೋಡಿಕೊಂಡು ಬನ್ನಿ . ನೀವು ಹೀಗೆ ಉಡುಪಿ ಪ್ರವಾಸ ಹೋದಾಗ ಮಧ್ವಾಚಾರ್ಯರ(Madheacharya) ಊರು ಪಾಜಕ ಹೋಗಿ ಬನ್ನಿ.

ಪಾಜಕ ದ್ವೈತ ಮತದ ಸ್ಥಾಪಕ ಮಧ್ವಾಚಾರ್ಯರು ಜನಿಸಿದ ಸ್ಥಳ. ಇದರ ಚೆಲುವನ್ನು ನೋಡಲು ಕಣ್ಣುಗಳು ಎರಡು ಸಾಲದು.

ಪ್ರಕೃತಿಯ ನಡುವೆ ನೆಲೆಗೊಂಡಿರುವ ಈ ತಾಣ ನಿಮ್ಮನ್ನು ಬೇರೆಯದ್ದೇ ಸ್ಥಳಕ್ಕೆ ಕರೆದುಕೊಂಡು ಹೋಗುತ್ತದೆ.. ಈ ಸ್ಥಳವು ಕುಂಜಾರುಗಿರಿ ದುರ್ಗಾ ದೇವಸ್ಥಾನದ ಸಮೀಪದಲ್ಲಿದೆ .

ಸೋದೆಮಠದ ಶ್ರೀ ವಾದಿರಾಜ ಸ್ವಾಮಿಗಳು ತಮ್ಮ ” ತೀರ್ಥ ಪ್ರಬಂಧ “ದಲ್ಲಿ ಪಾಜಕ ಕ್ಷೇತ್ರವನ್ನು ಅತ್ಯಂತ ಪವಿತ್ರ ಸ್ಥಳವೆಂದು ವಿವರಿಸುತ್ತಾರೆ, ಏಕೆಂದರೆ ಇಲ್ಲಿ ಶ್ರೀ ಮುಖ್ಯಪ್ರಾಣರು ಶ್ರೀ ಮಧ್ವಾಚಾರ್ಯರಾಗಿ ಜನಿಸಿದರು.

ಪಾಜಕದಲ್ಲಿ(Pajaka) ನೋಡಲು ಹಲವು ಆಸಕ್ತಿದಾಯಕ ಸ್ಥಳಗಳಿವೆ. ಬಹುಶಃ ಎಲ್ಲಕ್ಕಿಂತ ಮುಖ್ಯವಾದುದು ಶ್ರೀ ಮಧ್ವರ ಪೂರ್ವಜರ ಮನೆ ಮತ್ತು ಜನ್ಮಸ್ಥಳ. ಈ ಸ್ಥಳದಲ್ಲಿ ಶ್ರೀ ಮಧ್ವರ ಜೀವನ ಮತ್ತು ಕಾಲದ ಅನೇಕ ಪುರಾತತ್ತ್ವ ಶಾಸ್ತ್ರದ ಪುರಾವೆಗಳಿವೆ.

ಇದರಲ್ಲಿ ಅವರ ಅಕ್ಷರಾಭ್ಯಾಸ ನಡೆದ ಸ್ಥಳ, ಅವರು ನೆಟ್ಟಿದ್ದ ಆಲದ ಮರ, ಶ್ರೀ ಮಧ್ವರು ಎರಡು ಬೃಹತ್ ಕಲ್ಲುಗಳನ್ನು ಎತ್ತಿ ಕುಂಡಗಳ ಮೇಲೆ ಇಟ್ಟ ಸ್ಥಳವೂ ಸೇರಿದೆ .

ಶ್ರೀ ಮಧ್ವರು ಹತ್ತಿರದ 4 ಕೊಳಗಳಿಂದ ಧನುಸ್ ತೀರ್ಥ,(Danush Theerta) ಗದಾ ತೀರ್ಥ(Gada Theerta), ಬಾಣ ತೀರ್ಥ (Bana Theerta)ಮತ್ತು ಪರಶು ತೀರ್ಥ (Parashu Theerta)ನೀರನ್ನು ತಂದರು ಎಂದು ಭಾವಿಸಲಾದ ಕೊಳ.

ಮನೆಗೆ ತೀರಾ ಸಮೀಪದಲ್ಲಿರುವ ಮಾಧ್ವ ಮಂದಿರದಲ್ಲಿ ಸಾಕಷ್ಟು ಧಾರ್ಮಿಕ ಚಟುವಟಿಕೆಗಳು ನಡೆಯುತ್ತವೆ .

ಸಂಪೂರ್ಣ ಪಾಜಕ ಕ್ಷೇತ್ರವನ್ನು ಮಧ್ವರು ಸ್ಥಾಪಿಸಿದ ಎಂಟು ಮಠಗಳಲ್ಲಿ ಒಂದಾದ ಶ್ರೀ ಕಾಣಿಯೂರು ಮಠ ನಿರ್ವಹಿಸುತ್ತದೆ.

ದೇವಾಲಯದ ಆವರಣದಲ್ಲಿ ನಾವು ಎರಡು ದೇವಾಲಯಗಳನ್ನು ನೋಡಬಹುದು ಒಂದು ಶ್ರೀ ಅನಂತ ಪದ್ಮನಾಭ ದೇವಾಲಯ.

ಇದನ್ನು `ಮೂಡು ಮಠ’ ಎಂದೂ ಕರೆಯುತ್ತಾರೆ. ಇಲ್ಲಿನ ಮುಖ್ಯ ದೇವತೆಯನ್ನು ಮಧ್ವಾಚಾರ್ಯರ ಪೂರ್ವಜರು ಪೂಜಿಸುತ್ತಿದ್ದಾರೆ.

ಇಲ್ಲಿ ನಾವು ತುಳಸಿ ವೃಂದಾವನದ ಮುಂಭಾಗದಲ್ಲಿ ಬಾಲ ವಾಸುದೇವನು ಅಕ್ಷರಾಭ್ಯಾಸ ಮಾಡಿದ ಶಿಲೆಯನ್ನು ನೋಡಬಹುದು.

ಶ್ರೀ ಮಧ್ವಾಚಾರ್ಯರು ಅಕ್ಷರಾಭ್ಯಾಸ ಮಾಡಿದ ಪುಣ್ಯ ಶಿಲೆ ಇದಾಗಿದ್ದು, ಅನೇಕ ಭಕ್ತರು ಪಾಜಕಕ್ಕೆ ಆಗಮಿಸಿ ತಮ್ಮ ಮಗುವಿನ ಅಕ್ಷರಾಭ್ಯಾಸವನ್ನು ಈ ಕಲ್ಲಿನ ಮೇಲೆಯೇ ಆರಂಭಿಸುತ್ತಾರೆ.

ದೂರದ ಊರುಗಳಿಂದ ಆಗಮಿಸುವ ಭಕ್ತರಿಗೆ ವಸತಿ ವ್ಯವಸ್ಥೆ, ವಿಶ್ವ ದರ್ಜೆಯ ಗ್ರಂಥಾಲಯ ಸ್ಥಾಪನೆ ಸೇರಿದಂತೆ ಪಾಜಕದ ಅಭಿವೃದ್ಧಿಗೆ ಹಲವು ಯೋಜನೆಗಳನ್ನು ರೂಪಿಸಿದ್ದಾರೆ.

ಇತ್ತೀಚಿನ ವರ್ಷಗಳಲ್ಲಿ ದೊಡ್ಡ ಸಭಾಂಗಣ, ಭೋಜನಶಾಲೆ, ದೂರದ ಸ್ಥಳಗಳಿಂದ ಬರುವ ಭಕ್ತರಿಗೆ ಊಟಕ್ಕೆ ಕೆಲವು ಕೊಠಡಿಗಳು ಹೀಗೆ ಹಲವು ಬೆಳವಣಿಗೆಗಳು ನಡೆಯುತ್ತಿವೆ.

ಇಲ್ಲಿ ನಿಮಗೆ ಉಡುಪಿಯ ಸರ್ವಿಸ್ ಬಸ್ ನಿಲ್ದಾಣದಿಂದ ಬಸ್ ಗಳು ಸಿಗುತ್ತದೆ. ಕಟಪಾಡಿ ಮಾರ್ಗವಾಗಿ ನೀವು ಪಾಜಕಕ್ಕೆ ಹೋಗಿ ಬನ್ನಿ.

ಇನ್ನು ಪಾಜಕಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಪುರಾಣ ಪ್ರಸಿದ್ಧ ಕುಂಜರಗಿರಿಯ ಚೆಲುವನ್ನು ಕೂಡ ನೋಡಿಕೊಂಡು ಬನ್ನಿ

ನಾವೂ ಇನ್ ಸ್ಟಾಗ್ರಾಮ್ ನಲ್ಲೂ ಇದ್ದೀವಿ! ನಮ್ಮ ಗ್ರೂಪ್ ಜಾಯಿನ್ ಆಗಿ.

ನೀವು ಪ್ರವಾಸ ಹೋಗುವ ತಾಣದ ಮಾಹಿತಿ, ಕನ್ನಡ.ಟ್ರಾವೆಲ್ (Kannada.Travel) ಜಾಲತಾಣದಲ್ಲಿ ಪ್ರಕಟವಾಗುವ ಬರಹಗಳ ವಿವರ, ಅಪರೂಪದ ಟ್ರಾವೆಲರ್ ಗಳ ಪರಿಚಯ, ಪ್ರವಾಸಿ ತಾಣಗಳ ಕುತೂಹಲಕರ ಚಿತ್ರ ಬರಹ ಎಲ್ಲವೂ ಇಲ್ಲಿ ನಿಮಗೆ ಸಿಗುತ್ತದೆ. ಬನ್ನಿ ಜೊತೆಯಾಗಿ.