ರಾಜಸ್ಥಾನದ ಯುನೆಸ್ಕೋ ವಿಶ್ವ ಪಾರಂಪರಿಕ ತಾಣಗಳಿಗೊಮ್ಮೆ ಭೇಟಿ ನೀಡಿ:
“ರಾಜರ ನಾಡು” ಎಂದು ಕರೆಯಲ್ಪಡುವ ರಾಜಸ್ಥಾನವು ಭಾರತದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯನ್ನು ಪ್ರತಿನಿಧಿಸುವಲ್ಲಿ ಮಹತ್ವದ ಪಾತ್ರ ವಹಿಸುತ್ತದೆ. ವಿಸ್ತೀರ್ಣದಲ್ಲಿ ಅತಿ ದೊಡ್ಡ ರಾಜ್ಯ ಎಂಬ ಹೆಗ್ಗಳಿಕೆಗೆ ಇದು ಪಾತ್ರವಾಗಿದೆ.
ಶ್ರೀಮಂತ ಸಂಸ್ಕೃತಿಯ ಹೊರತಾಗಿ, ರಾಜಸ್ಥಾನವು ತನ್ನ ಭವ್ಯವಾದ ಕೋಟೆಗಳು ಮತ್ತು ವನ್ಯಜೀವಿ ಪ್ರದೇಶಗಳಿಂದಾಗಿ ಅಪಾರ ಸಂಖ್ಯೆಯಲ್ಲಿ ಪ್ರವಾಸಿಗರನ್ನು ಸೆಳೆಯುತ್ತದೆ.
ಭಾರತದ 42 ವಿಶ್ವ ಪಾರಂಪರಿಕ ತಾಣಗಳ ಪೈಕಿ ನಾಲ್ಕು ಮುಖ್ಯ ತಾಣಗಳು ರಾಜಸ್ಥಾನದಲ್ಲಿವೆ. ರಾಜಸ್ಥಾನದ ವಿಶ್ವ ಪಾರಂಪರಿಕ ತಾಣಗಳ ಕುರಿತು ಮಾಹಿತಿ ಇಲ್ಲಿದೆ.
1. ಜೈಪುರ ನಗರ (2020):
ರಾಜಸ್ಥಾನದಲ್ಲಿರುವ “ಗೋಡೆಯ ನಗರ” ಜೈಪುರವನ್ನು 1727 ರಲ್ಲಿ ಸವಾಯಿ ಜೈ ಸಿಂಗ್ II ಸ್ಥಾಪಿಸಿದರು. ಗುಡ್ಡಗಾಡು ಪ್ರದೇಶದಲ್ಲಿರುವ ಇತರ ನಗರಗಳಿಗೆ ಭಿನ್ನವಾಗಿ ಇದು ಬಯಲು ಪ್ರದೇಶದಲ್ಲಿದೆ.
ಜೈಪುರ ನಗರವು ದಕ್ಷಿಣ ಏಷ್ಯಾದಲ್ಲೇ ಸ್ಥಳೀಯ ನಗರ ಯೋಜನೆ ಮತ್ತು ನಿರ್ಮಾಣಕ್ಕೆ ಅತ್ಯುತ್ತಮ ಉದಾಹರಣೆಯಾಗಿದೆ. ಈ ನಗರ ಯೋಜನೆಯು ಪ್ರಾಚೀನ ಹಿಂದೂ ಮತ್ತು ಆಧುನಿಕ ಮೊಘಲ್ ಹಾಗೂ ಪಾಶ್ಚಿಮಾತ್ಯ ಸಂಸ್ಕೃತಿಗಳ ಸಮ್ಮಿಶ್ರಣವಾಗಿದೆ.
ವಾಣಿಜ್ಯ ರಾಜಧಾನಿಯಾಗಿ ವಿನ್ಯಾಸಗೊಳಿಸಗೊಂಡ ಈ ನಗರವು ಸ್ಥಳೀಯ ವಾಣಿಜ್ಯ, ಕುಶಲಕರ್ಮಿ ಮತ್ತು ಸಂಪ್ರದಾಯಗಳನ್ನು ಇಂದಿಗೂ ಸಂರಕ್ಷಿಸಿಕೊಂಡು ಬಂದಿದೆ.
ಜೈಪುರ ನಗರವನ್ನು 2020 ರಲ್ಲಿ ವಿಶ್ವ ಪಾರಂಪರಿಕ ತಾಣವಾಗಿ ಘೋಷಿಸಲಾಯಿತು.
2. ರಾಜಸ್ಥಾನದ ಬೆಟ್ಟದ ಕೋಟೆಗಳು(2013):
2013 ರಲ್ಲಿ ವಿಶ್ವ ಪಾರಂಪರಿಕ ತಾಣಗಳಾಗಿ ಘೋಷಿಸಲ್ಪಟ್ಟ “ರಾಜಸ್ಥಾನದ ಬೆಟ್ಟದ ಕೋಟೆಗಳು” ರಾಜಸ್ಥಾನದ ಆರು ಭವ್ಯವಾದ ಕೋಟೆಗಳನ್ನು ಪ್ರತಿನಿಧಿಸುತ್ತವೆ.
ಬೆಟ್ಟದ ಕೋಟೆಗಳ ಈ ಸರಣಿಯು ಚಿತ್ತೋರ್ಗಢ್ನಲ ಚಿತ್ತೋರ್ ಕೋಟೆ, ರಾಜ್ಸಮಂದ್ನ ಕುಂಭಲ್ಗಡ್ ಕೋಟೆ, ಸವಾಯಿ ಮಾಧೋಪುರದ ರಣಥಂಬೋರ್ ಕೋಟೆ, ಜಲಾವರ್ನ ಗಗ್ರೋನ್ ಕೋಟೆ, ಜೈಪುರದ ಅಮೇರ್ ಕೋಟೆ, ಮತ್ತು ಜೈಸಲ್ಮೇರ್ ನ ಜೈಸಲ್ಮೇರ್ ಕೋಟೆಗಳನ್ನು ಒಳಗೊಂಡಿದೆ.
8 ರಿಂದ 18 ನೇ ಶತಮಾನದವರೆಗೆ ವಿವಿಧ ರಜಪೂತ ರಾಜರು ನಿರ್ಮಿಸಿದ ಈ ಕೋಟೆಗಳು ರಾಜಪ್ರಭುತ್ವದ ಶಕ್ತಿಯ ಸಂಕೇತವಾಗಿವೆ.
3. ಜಂತರ್ ಮಂತರ್ (2010):
18 ನೇ ಶತಮಾನದ ಆರಂಭದಲ್ಲಿ ನಿರ್ಮಿಸಲಾದ ಖಗೋಳ ವೀಕ್ಷಣಾ ತಾಣವಾದ ಜೈಪುರದ “ಜಂತರ್ ಮಂತರ್” ಅನ್ನು 2010 ರಲ್ಲಿ ವಿಶ್ವ ಪಾರಂಪರಿಕ ತಾಣವೆಂದು ಘೋಷಿಸಲಾಯಿತು.
ಇದು ಕೆಲವು 20 ಮುಖ್ಯ ಸ್ಥಿರ ಉಪಕರಣಗಳ ಸಂಗ್ರಹವನ್ನು ಒಳಗೊಂಡಿದೆ. ಇದು ಭಾರತದ ಐತಿಹಾಸಿಕ ವೀಕ್ಷಣಾಲಯಗಳಲ್ಲಿ ಅತ್ಯಂತ ಮಹತ್ವದ, ಸಮಗ್ರ ಮತ್ತು ಉತ್ತಮವಾಗಿ ಸಂರಕ್ಷಿಸಲ್ಪಟ್ಟ ವೀಕ್ಷಣಾಲಯವಾಗಿದೆ.
ಇದು ಕಲ್ಲು ಮತ್ತು ಅಮೃತಶಿಲೆಯಿಂದ ನಿರ್ಮಿಸಲಾದ 19 ಬೃಹತ್ ವಾದ್ಯಗಳನ್ನು ಒಳಗೊಂಡಿದೆ.
4. ಕಿಯೋಲಾಡಿಯೊ ರಾಷ್ಟ್ರೀಯ ಉದ್ಯಾನವನ (1985):
ಹಿಂದಿನ ಕಾಲದಲ್ಲಿ ರಾಜರಿಂದ ಬಾತುಕೋಳಿ ಬೇಟೆಯ ಮೀಸಲು ಪ್ರದೇಶವಾಗಿದ್ದ ಇದು ಈಗ ಈ ಹೆಸರು ಪಡೆದುಕೊಂಡಿದೆ.
ಅಫ್ಘಾನಿಸ್ತಾನ, ತುರ್ಕಮೆನಿಸ್ತಾನ್, ಚೀನಾ ಮತ್ತು ಸೈಬೀರಿಯಾದಿಂದ ಹೆಚ್ಚಿನ ಸಂಖ್ಯೆಯ ಜಲಚರ ಪಕ್ಷಿಗಳು ಚಳಿಗಾಲದಲ್ಲಿ ವಲಸೆ ಬರುವ ಪ್ರಮುಖ ಪ್ರದೇಶಗಳಲ್ಲಿ ಈ ಉದ್ಯಾನ ಒಂದಾಗಿದೆ.
ಇಲ್ಲಿ ಅಪರೂಪದ ಸೈಬೀರಿಯನ್ ಕ್ರೇನ್ ಸೇರಿದಂತೆ ಸುಮಾರು 364 ಜಾತಿಯ ಪಕ್ಷಿಗಳನ್ನು ಉದ್ಯಾನದಲ್ಲಿ ದಾಖಲಿಸಲಾಗಿದೆ.
ರಾಜಸ್ಥಾನಕ್ಕೆ ಭೇಟಿ ನೀಡಿದಾಗ ಈ ಐತಿಹಾಸಿಕ ವಿಶ್ವ ಪಾರಂಪರಿಕ ತಾಣಗಳಿಗೆ ಭೇಟಿ ನೀಡಲು ಮರೆಯದಿರಿ.
ನಾವೂ ಇನ್ ಸ್ಟಾಗ್ರಾಮ್ ನಲ್ಲೂ ಇದ್ದೀವಿ! ನಮ್ಮ ಗ್ರೂಪ್ ಜಾಯಿನ್ ಆಗಿ.
ನೀವು ಪ್ರವಾಸ ಹೋಗುವ ತಾಣದ ಮಾಹಿತಿ, ಕನ್ನಡ.ಟ್ರಾವೆಲ್ (Kannada.Travel) ಜಾಲತಾಣದಲ್ಲಿ ಪ್ರಕಟವಾಗುವ ಬರಹಗಳ ವಿವರ, ಅಪರೂಪದ ಟ್ರಾವೆಲರ್ ಗಳ ಪರಿಚಯ, ಪ್ರವಾಸಿ ತಾಣಗಳ ಕುತೂಹಲಕರ ಚಿತ್ರ ಬರಹ ಎಲ್ಲವೂ ಇಲ್ಲಿ ನಿಮಗೆ ಸಿಗುತ್ತದೆ. ಬನ್ನಿ ಜೊತೆಯಾಗಿ.