2024ರ ಹೆನ್ಲೀ ಪಾಸ್ ಪೋರ್ಟ್ ಶ್ರೇಯಾಂಕವು ಬಿಡುಗಡೆಯಾಗಿದ್ದು, ಫ್ರಾನ್ಸ್ ಗೆ ಪ್ರಥಮ ಸ್ಥಾನ ದೊರೆತಿದೆ. ಭಾರತದ (India) ಪಾಸ್ ಪೋರ್ಟ್ (Passport) ಶ್ರೇಯಾಂಕವು ಹಿಂದಿನ ವರ್ಷಕ್ಕೆ ಹೋಲಿಸಿದರೆ 84 ರಿಂದ 85 ಕ್ಕೆ ಇಳಿದಿದೆ.
ಹಿಂದಿನ ವರ್ಷ ಭಾರತೀಯ ಪಾಸ್ ಪೋರ್ಟ್ ಗಳನ್ನು ಹೊಂದಿದವರು 60 ದೇಶಗಳಿಗೆ ವೀಸಾ-ಮುಕ್ತ (Visa Free) ಪ್ರವೇಶವನ್ನು ಪಡೆಯಬಹುದಿತ್ತು.
ಆದರೆ ಈಗ ವೀಸಾ ಮುಕ್ತ ದೇಶಗಳ ಪಟ್ಟಿ 62ಕ್ಕೆ ಏರಿದ್ದರೂ ಸಹ ಭಾರತದ ಸ್ಥಾನ ಕುಸಿದಿರುವುದು ಆಶ್ಚರ್ಯಕರ ಸಂಗತಿಯಾಗಿದೆ.
ಹೆನ್ಲಿ ಪಾಸ್‌ಪೋರ್ಟ್ ಸೂಚ್ಯಂಕವು (Henley Passport Index) ದೇಶಗಳ ಪಾಸ್‌ಪೋರ್ಟ್‌ಗಳ ಸಾಮರ್ಥ್ಯದ ಆಧಾರದ ಮೇಲೆ ಶ್ರೇಣೀಕರಿಸುತ್ತದೆ. ಫ್ರಾನ್ಸ್ ಪಾಸ್ ಪೋರ್ಟ್ ಹೊಂದಿದವರು ಎಲ್ಲಾ 194 ದೇಶಗಳಿಗೆ ವೀಸಾ-ಮುಕ್ತ ಪ್ರವೇಶವನ್ನು ಪಡೆಯುವ ಮೂಲಕ ಅಗ್ರ ಸ್ಥಾನವನ್ನು ಪಡೆದುಕೊಂಡಿದೆ.
ಫ್ರಾನ್ಸ್‌ನೊಂದಿಗೆ ಜರ್ಮನಿ, ಇಟಲಿ, ಜಪಾನ್, ಸಿಂಗಾಪುರ ಮತ್ತು ಸ್ಪೇನ್ ಕೂಡ ಅಗ್ರ ಸ್ಥಾನವನ್ನು ಪಡೆದುಕೊಂಡಿವೆ.
ಚೀನಾ (China) ಕಳೆದ ವರ್ಷಕ್ಕಿಂತ ಸ್ವಲ್ಪ ಮಟ್ಟಿಗೆ ಸುಧಾರಿಸಿದ್ದು, 66 ರಿಂದ 64 ಕ್ಕೆ ಏರಿದೆ. ಯುನೈಟೆಡ್ ಸ್ಟೇಟ್ಸ್ (United States) ಕೂಡ ಏಳನೇ ಸ್ಥಾನದಿಂದ ಆರನೇ ಸ್ಥಾನವನ್ನು ಪಡೆದುಕೊಳ್ಳುವ ಮೂಲಕ ತನ್ನ ಕಾರ್ಯಕ್ಷಮತೆಯನ್ನು ಉತ್ತಮಗೊಳಿಸಿದೆ.
ಭಾರತದ ನೆರೆಯ ರಾಷ್ಟ್ರ ಗಳಾದ ಪಾಕಿಸ್ತಾನವು ಕಳೆದ ವರ್ಷದಂತೆ 106ನೇ ಸ್ಥಾನದಲ್ಲಿದೆ. ಬಾಂಗ್ಲಾದೇಶವು 101ರಿಂದ 102ನೇ ಸ್ಥಾನಕ್ಕೆ ಕುಸಿದಿದೆ.
ಮಾಲ್ಡೀವ್ಸ್‌ (Maldives) ಭಾರತಕ್ಕಿಂತ ಉತ್ತಮ ಶ್ರೇಣಿಯಲ್ಲಿದ್ದು, ಈ ವರ್ಷವೂ ಇದು 96 ದೇಶಗಳಿಗೆ ವೀಸಾ-ಮುಕ್ತ ಪ್ರಯಾಣವನ್ನು ಅನುಭವಿಸುವ ಮೂಲಕ 58 ನೇ ಸ್ಥಾನವನ್ನು ಕಾಯ್ದುಕೊಂಡಿದೆ.
ಹೆನ್ಲಿ ಪಾಸ್‌ಪೋರ್ಟ್ ಸೂಚ್ಯಂಕವು ಇಂಟರ್ನ್ಯಾಷನಲ್ ಏರ್ ಟ್ರಾನ್ಸ್‌ಪೋರ್ಟ್ ಅಸೋಸಿಯೇಷನ್ (IATA) ದ ಡೇಟಾವನ್ನು ಆಧರಿಸಿರುತ್ತದೆ.
ಈ ಸೂಚ್ಯಂಕವು 199 ವಿಭಿನ್ನ ಪಾಸ್‌ಪೋರ್ಟ್‌ಗಳು ಮತ್ತು 227 ವಿಭಿನ್ನ ಪ್ರಯಾಣದ ಸ್ಥಳಗಳನ್ನು ಒಳಗೊಂಡಿದೆ. ಜಾಗತಿಕ ಚಲನಶೀಲತೆಯಲ್ಲಿ ದೇಶದ ಪಾಸ್‌ಪೋರ್ಟ್ ಸ್ಥಾನವನ್ನು ನಿರ್ಣಯಿಸುವಾಗ ಹೆನ್ಲಿ ಪಾಸ್‌ಪೋರ್ಟ್ ಸೂಚ್ಯಂಕವನ್ನು ಪ್ರಮಾಣಿತ ಉಲ್ಲೇಖ ಸಾಧನವೆಂದು ಪರಿಗಣಿಸಲಾಗುತ್ತದೆ.
ನಾವೂ ಇನ್ ಸ್ಟಾಗ್ರಾಮ್ ನಲ್ಲೂ ಇದ್ದೀವಿ! ನಮ್ಮ ಗ್ರೂಪ್ ಜಾಯಿನ್ ಆಗಿ.
ನೀವು ಪ್ರವಾಸ ಹೋಗುವ ತಾಣದ ಮಾಹಿತಿ, ಕನ್ನಡ.ಟ್ರಾವೆಲ್ (Kannada.Travel) ಜಾಲತ ಲತಾಣದಲ್ಲಿ ಪ್ರಕಟವಾಗುವ ಬರಹಗಳ ವಿವರ, ಅಪರೂಪದ ಟ್ರಾವೆಲರ್ ಗಳ ಪರಿಚಯ, ಪ್ರವಾಸಿ ತಾಣಗಳ ಕುತೂಹಲಕರ ಚಿತ್ರ ಬರಹ ಎಲ್ಲವೂ ಇಲ್ಲಿ ನಿಮಗೆ ಸಿಗುತ್ತದೆ. ಬನ್ನಿ ಜೊತೆಯಾಗಿ.
